މި އަހަރުގެ ވޯލްޑް ކަޕާއި ގުޅުވާ ގަތަރަށް އަމާޒުވަމުންދަނީ ނުހައްގު ފާޑުކިޔުންތަކެއް ކަމަށް ގަތަރު ވޯލްޑް ކަޕްގެ ސީއީއޯ ނަސީރު އަލް ހަތީރު ބުނެފިއެވެ.
އަލް ހަތީރު މިހެން ބުނެފައިވަނީ ގަތަރު ވޯލްޑް ކަޕުގެ އިސް އޮފިޝަލުން ބޭއްވި ނޫސްވެރިންގެ ބައްދަލުވުމެއްގައެވެ.
އަލް ހަތީރު އިތުރަށް ބުނެފައިވަނީ މި އަހަރުގެ ވޯލްޑް ކަޕާއި ގުޅުވައިގެން ގިނަ ފަރާތްތަކުން ގަތަރަށް އަމާޒުކުރަމުންދަނީ ހަގީގަތެއް ނެތް ނުހައްގު ފާޑުކިޔުންތަކެއް ކަމަށެވެ. އަދި ބިނާކުރަނިވި ފާޑުކިޔުންތަށް ކަމަށް އެ ފަރާތުން ދެކުނު ފާޑުކިޔުންތައް ބަލައިގަނެފައިވާނެ ކަމަށްވެސް އަލް ހަތީރު ވަނީ ބުނެފައެވެ.
ގަތަރުގެ އޮފިޝަލުން މައުލޫމާތު ދޭ ގޮތުގައި ވޯލްޑް ކަޕް ފެށުމުގެ 70 ދުވަސް ކުރިން މުބާރާތުގެ މައިގަނޑު ހުރިހާ ތައްޔާރީތަކެއް ވެ ނިމިފައިވާ ކަމަށެވެ. އަދި ދެން ނުނިމި ހުރީ ކުދި އަދި ފަހުވަގުތު ކޮށް ނިންމަންޖެހޭ މަސައްކަތްތަށް ކަމަށް އެ ފަރާތްތަކުން ވަނީ ބުނެފައެވެ.
ފިނި މޫސުމުގައި ބޭއްވޭ ފުރަތަމަ ވޯލްޑް ކަޕް އާއި ގުޅުވާ ގަތަރަށް ގިނަ ބައެއްގެ ފާޑުކިޔުން ވަނީ އަމާޒުވެފައެވެ.
އެގޮތުން ބިޑު އޮޅުވާލުމާއި ދަނޑުތަކުގައި މަސައްކަތްކުރި މީހުން މަސައްކަތް ކުރަން އެކަށީގެންނުވާ މާހައުލުތަކުގައި މަސައްކަތް ކުރުވި ކަމުގެ ތުހުމަތު ތަކެއް ވެސް ގަތަރާއި ދެކޮޅަށް ކޮށްފައިވެއެވެ. ނަމަވެސް ގަތަރުން ވަނީ މިއީ ހަގީގަތެއް ނެތް ތުހުމަތު ތަކެއް ކަމަށް ތަކުރާރުކޮށް ބުނެފައެވެ.
Advertisement
This content is created and paid for by advertisers and does not involve Voice Journalists
