މިދިޔަ އޮގަސްޓު މަހު މާލޭގައި 188 ކައިވެނި ކުރިއިރު ހަމަ އެ މަހު 148 ވަރި ކޮށްފައިވާކަން ފެމެލީ ކޯޓުގެ ތަފާސް ހިސާބުތަކުން ދައްކައިފިއެވެ.
އެ ކޯޓުން ނެރުނު ތަފާސް ހިސާބުތަކުން ދައްކާގޮތުގައި 154 ވަރީގެ މައްސަލައެއް ހުށަހަޅާފައި ވާއިރު ވަރިވުމަށް 60 މައްސަލަ އަދި ވަރި ކުރުމަށް 31 މައްސަލަ ވަނީ ހުށަހަޅާފައެވެ.
ވަކިވަކި މައްސަލަތަކަށް ބަލާއިރު ވެސް އޮގަސްޓު މަހު ފެމެލީ ކޯޓަށް އެންމެ ގިނައިން ހުށަހަޅާފައި ވަނީ ވެސް ވަރިވުމަށް އެދި ހުށަހެޅި މައްސަލަތަކެވެ. އެ ބާވަތުގެ 154 މައްސަލައެއް ކޯޓަށް ހުށަހަޅާފައި ވެއެވެ.
ކުޑަކުދިންނާ ގުޅޭ 18 މައްސަލައެއް މިދިޔަ މަހު ނިންމި އިރު އޭގެ ތެރޭގައި ހަޟާނަތުގެ އެއް މައްސަލަ އާއި ކުއްޖާ އިހުތިޔާރުކުރާ ފަރާތެއް ކަނޑައެޅުމުގެ 4 މައްސަލައާއި ނަސަބު ސާބިތުކުރުމުގެ އެއް މައްސަލައާއި ދަރިން ނުދެއްކުމުގެ 2 މައްސަލައިގެ އިތުރުން ކުދިންގެ ގާނޫނީ ބެލެނިވެރިކަން ފޯސްޓާކުރުމަށް އެއް މައްސަލަ އަދި ކުދިންގެ ހައްގުތައް ރައްކާތެރިކުރމުގެ އަމުރުގެ 9 މައްސަލަ ހިމެނޭ ކަމަށް ފެމިލީ ކޯޓުގެ ތަފާސް ހިސާބުތަކުން ދައްކައެވެ.
ކުޑަކުދިންގެ ހައްގުތައް ރައްކާތެރިކުރުމަށް މިދިޔަ މަހު ވަނީ 9 މައްސަލައެއް ހުށަހަޅާފައިވާއިރު، އޮގަސްޓް މަސް ފެށުނު އިރުވެސް އެ ބާވަތު އެއް މައްސަލަ އޮތެވެ.
Advertisement
This content is created and paid for by advertisers and does not involve Voice Journalists
