މަޑަވެއްލި-ހޯނޑެއްދޫ އާ ދެމެދު އަޅާ ޒަމާނީ ކޯޒްވޭގެ ޢަމަލީ މަސައްކަތް މިއަދު ފެށުމަށް ތައްޔާރުވެއްޖެއެވެ.

އެމްޓީސީސީއާއި ހަވާލުކޮށްގެން ކުރިޔަށް ގެންދިޔުމަށް ހަމަޖެހިފައިވާ މި މަޝްރޫއުގެ އަމަލީ މަސައްކަތް ފެށުމަށް އެމްޓީސީސީގެ އުޅަނދުތަށް މިހާރު ވަނީ ހޯނޑެއްދޫއަށް ގެނެސްފައެވެ.

މި މަޝްރޫއު ރަސްމީކޮށް ފެށުމަށް ބާއްވާ ރަސްމިއްޔާތެއް މިއަދު ހަވީރު ހޯޑެއްދޫގައި ބާއްވަން ނިންމާފައިވާއިރު، މި ރަސްމިއްޔާތުގައި މަޑަވެލި ދާއިރާގެ މެމްބަރު ހުސެއިން ފިރުޝާން، އެމްޓީސީސީގެ ސީއީއޯ އާދަމް އާޒިމްވެސް ބައިވެރިވެވަޑައިގަންނަވާނެ އެވެ.

މިމަސައްކަތް އެމްޓީސީސީއާ ޙަވާލުކޮށްގެން ކުރިއަށްގެންދާއިރު، އެކުންފުންޏާއި ހަވާލުކޮށްފައިވަނީ، 223 މީޓަރުގެ ބްރިޖަކުން ގދ.މަޑަވެއްޔާ،އ އަދި  ގދ.ހާދޫ އަދި 160މީޓަރުގެ ބްރިޖަކުން ގދ.ހާދޫ އާއި ގދ.ހޯނޑެއްދޫ ގުޅާލުމަށެވެ.

މިމަޝްރޫޢުގެ ދަށުން 262 މީޓަރުގެ މަގު ހެދުމާއި، 260 މީޓަރުގެ ރިވެޓްމަންޓް ޖެހުމުގެ މަސައްކަތް ހިމެނޭ ކަމަށްވެސް އެމްޓީސީސީން ވަނީ ވިދާޅުވެފައެވެ. މި މަސައްކަތް އެމްޓީސީސީއާ ހަވާލުކޮށްފައިވަނީ 10މަސްދުވަހުން ނިންމާގޮތަށެވެ.

މި މަޝްރޫޢަކީ 84.2މިލިއަން ރުފިޔާގެ މަޝްރޫޢެކެވެ.