ލޯކަލް އޮތޯރިޓީ ކުންފުނިތަކުގެ ޑިރެކްޓަރުން ތަމްރީންކުރުމަށް ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) އިން ބޭއްވި ޕްރޮގްރާމް ނިމިއްޖެއެވެ.
މި ޕްރޮގްރާމަކީ ސީއެމްޑީއޭ އާއި އިކޮނޮމިކް މިނިސްޓްރީ އާއި އެ އޮތޯރިޓީގެ އިންސްޓިޓިއުޓް އޮފް ކޯޕަރޭޓް ޑައިރެކްޓާސް އެންޑް ސެކްރެޓަރީސް (އައިސީޑީއެސް) އާ ގުޅިގެން ކުރިއަށް ގެންދާ ސިލްސިލާ ޕްރޮގްރާމު ތަކުގެ ތެރެއިން ތިންވަނަ ޕްރޮގްރާމެެވެ.
މިފަހަރުގެ ޕްރޮގްރާމުގައި 20 ބައިވެރިން ހިމެނުނު އިރު މިފަހަރުގެ ޕްރޮގްރާމް ސީއެމްޑީއޭ އިން ކުރިއަށް ގެންގޮސްފައިވަނީ އޮންލައިން ކޮށެވެ. މި މަހުގެ 6 ވަނަ ދުވަހަކުން 8 ވަނަ ދުވަހަށް ކުރިއަށް ގެެންގޮސްފައިވާ މި ޕްރޮގްރާމުގައި ކޯޕަރޭޓް ގަވާނަންސްގައި ހިމެނޭ އިންޓަނޭޝަނަލް ބެސްޓް ޕްރެކްޓިސަސް ސްޓޭންޑަޑްތަކާއި ލޯކަލް އޮތޯރިޓީ ކުންފުނި އުފެއްދައި ހިންގުމުގައި އަމަލުކުރަންޖެހޭ ގާނޫނާއި ގަވާއިދުތަކުގެ މައުލޫމާތު ބައިވެރިންނަށް ދީފައިވެ އެވެ.
މީގެ އިތުރުން ބިޒްނަސް އެތިކްސް އާއި ސަސްޓެއިނަބަލް އިންވެސްޓިންއާ ގުޅޭ މައުލޫމާތާއި، ބޯޑުގެ ސްޓެރެޓެޖީތައް ކަނޑައެޅުމުގައި ޑިރެކްޓަރުން ބަލަންޖެހޭ މުހިންމު ކަންތައްތަކުގެ މައުލޫމާތު ދިނުމުގެ އިތުރުން ރާއްޖޭގެ ޓެކްސް ނިޒާމާއި، އެންޓިކޮރަޕްޝަނާއި ޕްރޮކިއުމަންޓްގެ މައުލޫމާތާއި، ފައިނޭންޝަލް ސްޓޭޓްމަންޓްއާއި އަހަރީ ރިޕޯޓުގެ މަފްހޫމްތަކާގުޅޭ ސެޝަނެއް ވެސް މި ޕްރޮގްރާމުގައި ވަނީ ކުރިއަށް ގެންގޮސްފައެވެ.
މީގެ އިތުރު ޕްރޮގްރާމެއް އަންނަ މަހުގެ ތެރޭގައިވެސް ކުރިއަށް ގެންދިއުމަށް ނިންމާފައިވާ ކަމަށް ސީއެމްޑީއޭ އިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
