ރާއްޖޭގައި އޮންލައިން މީޑިއާ އެތިކްސް ކޯހެއް ފަރުމާކޮށް ހިންގުމަށް އެއްބަސަވުމެއްގައި ސޮއިކޮށްފިއެވެ.

މި ކޯސް ބްރިޓިޝް ހައިކޮމިޝަންގެ އެހީގައި ހިންގުމަށް ނިންމާފައިވާއިރު، މި ކޯހަކީ ކެނަޑާގެ ކުންފުންޏެއް ކަމަށްވާ އެލިނިއަރ އިންޓަރނެޝަނަލް އިން މޯލްޑިވްސް ސްޓްރެންތްނިންގ ކޮމިއުނިކޭޝަންސް އެންޑް ގަވަރނަންސް ޕްރޮޖެކްޓްގެ ދަށުން ފަރުމާކޮށް ހިންގުމަށް ނިންމާފައިވާ ކޯހެކެވެ.

މި އެއްބަސްވުމުގައި އެލިނިއަރ އިންޓަރނޭޝަނަލްގެ ފަރާތުން ސޮއިކުރެއްވީ އެތަނުގެ ނައިބު ރައީސް ޗާލްސް ޑަފް، ސޮއެ އެވެ. އައި.ޔޫ.އެމްގެ ފަރާތުން ސޮއެ ކުރެއްވީ ވައިސް ޗާންސެލަރ ޑރ. ޒަކަރިއްޔާ މޫސާއެވެ. އަދި އެމް.އެމް.އައިގެ ފަރާތުން ހެޑް އޮފް އިންސްޓިޓިއުޓް މުޙައްމަދު ޖިނާޙު ސޮއެ ކުރެއްވިއިރު، ބްރޯޑްކޮމްގެ ފަރާތުން ސޮއިކުރެއްވީ އެތަނުގެ ސެކެޓްރީ ޖެނެރަލް މަރިޔަމް ޒީނިޔާއެވެ. އަދި އެމް.އެމް.ސީގެ ފަރާތުން ސޮއިކުރެއްވީ ކައުންސިލުގެ ރައީސް ޝަފާއު ހަސަނެވެ.

Advertisement

މި އެއްބަސްވުން އެކުލަވާލާފައިވަނީ އެލިނިއަރ އިންޓަރނޭޝަނަލް، ދިވެހިރާއްޖޭގެ އިސްލާމީ ޔުނިވަރސިޓީ، ޕީ.އެސް.އެމްގެ ދަށުން ހިންގަމުންދާ މޯލްޑިވްސް މީޑިއާ އިންސްޓިޓިއުޓް، މޯލްޑިވްސް ބްރޯޑްކާސްޓިންގ ކޮމިޝަން އަދި މޯލްޑިވްސް މީޑިއާ ކައުންސިލާއި ދެމެދުއެވެ. މި ކޯސް ފެށުމަށް ހަމަޖެހިފައިވަނީ އަންނަ އަހަރުގެ ތެރޭގައެވެ.