ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދަށް އަމާޒުކޮށް މެއި މަހުގެ 6 ވަނަ ދުވަހުގެ ރޭ ހަމަލާ ދިން އިރު، އެމަނިކުފާނުގެ އަރިހުގައި ތިއްބެވި ބޮޑީގާޑުންނަށް "ހިތްވަރު ގަދަ ކަމުގެ ކުލަ" އަރުވައިފި އެވެ.

ރައީސް ނަޝީދުގެ ބޮޑީގާޑުންނަށް މި ކުލަ އަރުވާފައިވަނީ ރޭ ކަޅުތުއްކަލާކޮށީގައި އޮތް ސިފައިންގެ 130 ވަނަ އަހަރީ ޖަލްސާގައެވެ. މިމލ ޖަލްސާގައި އެމަނިކުފާނުގެ ތިން ބޮޑީގަާޑަކަށް ވަނީ ކުލަ އަރުވާފައެވެ.

ހިތްވަރުގަދަކަމުގެ ކުލަ އެރުވި 3 ބޮޑީގާޑުންނަކީ:

Advertisement

ސްޓާފް ސާޖަންޓް އިލްހާމް އާދަމް- އޭނާއަށް އަރުވާފައިވަނީ، ފުރާނަ ސަލާމަތްކުރުމުގެ ރިހި މެޑެލް އާއި ހިތްވަރު ގަދަ ކަމުގެ ކުލަ އެވެ.

ކޯޕްރަލް މުހައްމަދު ނިޔާޒު އަދި ލާންސް ކޯޕްރަލް މުހައްމަދު ރިލްވާނަށްވެސް އެރުވީ ހިތްވަރުގަދަ ކަމުގެ ކުލަ އެވެ.

މިދިޔަ އަހަރުގެ މެއި މަހުގެ ހަ ވަނަ ދުވަހު ރައީސް ނަޝީދު ކާރުކޮޅަށް އަރާވަޑައިގަންނަވަނިކޮށް ނީލޯފަރު މަގުގައި ހުރި ސައިކަލެއް ގޮއްވާލައިންގެން ދިން ޓެރަރިޒަމްގެ ހަމަލާގައި އެމަނިކުފާނަށް ވަނީ ބޮޑެތި ޒަހަމްތަކެއް ލިބިފައެވެ. އެރޭ 20:25 ހާއިރު ދިން އެ ހަމަލާގައި ރައީސް ނަޝީދު ސަލާމަތްކުރުމަށް މަސައްކަތް ކުރެއްވި ސިފައިންގެ ބޯޑީގާޑުންނަށްވެސް ވަނީ އެކިވަރުގެ އަނިޔާވެފައެވެ.