ކ.ދިއްފުށީ ޞިއްހީ މަރުކަޒުގެ ލެބޯޓަރީ ޙިދުމަތް ދޭންފެށުމާައި އަދި އީ.އާރު ހުޅުވައިފިއެވެ.
ދިއްފުށީ ސިއްހީ މަރުކަޒުގައި ލެބޯޓަރީއެއް ހުޅުވާފައިވާއިރު، ހެލްތް މިނިސްޓްރީން ބުނީ ލެބޯޓްރީގެ ޚިދުމަތް ފެށުމުން އާއްމުކޮށް ހެދޭނެ ޓެސްޓުތަކުގެ ތެރޭގައި ޝުގަރ ޕްރޮފައިލް، ލިޕިޑް ޕްރޮފައިލް، ރީނަލް ޕްރޮފައިލް، ލިވަރ ޕްރޮފައިލް، ކާޑިއެކް ޕްރޮފައިލް ހިމެނޭ ކަމަށެވެ. މީގެ އިތުރުންވެސް އިލެކްޓްރޮލައިޓްސް، ބޯން ޕްރޮފައިލް، ސީރޮލޮޖީ ޓެސްޓް، ކޮންޕްލީޓް ބްލަޑް ކައުންޓް ޓެސްޓު ހިމެނެއެވެ.
މިނިސްޓްރީން ބުނީ ރާއްޖޭގައި އާއްމުކޮށް މަދިރީގެ ޒަރިއްޔާއިން ފެތުރޭ ޑެންގޫ ފަދަ ބަލިތަކާއި ގުޅުންހުރި ޓެސްޓުތަކާއި، މާބަނޑު މީހުން ގަވާއިދުން ހަދަންޖެހޭ ޓެސްޓުތައް ހެދުމަށް މަގުފަހިވެގެންދާނެ ކަމަށެވެ.
މީގެ އިތުރުން ރަށުން ބޭރަށް ނުގޮސް ރަށުގައި ތިބެގެން ތެލެސީމިއާ ކުދިންނަށް ލޭއެޅުމުގެ ޚިދުމަތްވެސް ވީހާވެސް އަވަހަށް ދިނުމަށް މަސައްކަތް ކުރަމުންދާ ކަމަށް ހެލްތު މިނިސްޓްރީން ވިދާޅުވެއެވެ.
Advertisement
This content is created and paid for by advertisers and does not involve Voice Journalists
