ބްރޯޑްކާސްޓިން ދާއިރާއަށް ގިނަ ދުވަސްތަކެއް ވަންދެން އަގުހުރި މަސައްކަތްތަކެއް ކޮށްދެއްވާފައިވާ ކުރީގެ އިންފޮމޭޝަން މިނިސްޓަރު ސަމަރުބުލޫ އިބްރާހިމް މަނިކު (ސަމަރޭ) އާއި ދިވެހިރާއްޖޭގެ އަޑުގެ ކުރީގެ މަޝްހޫރު ޕްރެޒެންޓަރު އަލްމަރުހޫމާ ޒާހިދާ އިބްރާހިމް (ޒާހިދާއްތަ) އެ ދާއިރާގެ ލައިފްޓައިމް އެޗީވްމަންޓް އެވޯޑް އަރުވައިފިއެވެ.
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) ގެ މޯލްްޑިވްސް ބްރޯޑްކާސްޓިން އެވޯޑްސްގައި، ލައިފްޓައިމް އެޗީވްމަންޓް އެވޯޑް އިބްރާހިމް މަނިކާއި ޒާހިދާގެ އާއިލާއާ ހަވާލު ކޮށްދެއްވީ ރައީސުލް ޖުމްހުރިއްޔާ އިބްރާހިމް މުހައްމަދު ޞާލިހެެވެ.
ސަމަރުބުލޫ އިބްރާހިމް މަނިކަކީ ދިވެހި ރާއްްޖޭގެ އަޑުގައި ގިނަ ދުވަސްތަކެއް ވަންދެން ހިދުމަތްކުރެއްވި ބޭފުޅެކެވެ. އޭނާ އެ ދާއިރާގައި 32 އަހަރު ހޭދަކުރެއްވި އެވެ.
ކުޑަކުދިންގެ މެދުގައި މަޝްހޫރުވި "އެބައުޅޭމިބައުޅޭ" ގެ މޭސްތިރިޔާ، ޒާހިދާގެ ފަރާތުން އޭނާގެ ދަރިކަނބަލެއް ކަމަށްވާ އާއިޝަތު ޝިއާރާ އެވޯޑާއި ހަވާލުވިއިރު، ޒާހިދާއަކީ ބްރޮޑްކާސްޓިން ދާއިރާގައި ގިނަ އަހަރުތަކެއް ވަންދެން މަސައްކަތް ކުރެއްވި ބޭކަނބަލެކެވެ. އެގޮތުން 40 އަހަރަށް ވުރެ ގިނަ ދުވަސް ވަންދެން ހިދުމަތް ކުރެއްވުމަށްފަހު 2008 ގައި ދިވެހިރާއްޖޭގެ އަޑުން ވަކިވެވަޑައިގެންނެވިއިރު އޭނާ ހުންނެވީ އެ ތަނުގެ ޑިރެކްޓަރެއްގެ މަގާމުގަ އެވެ. އޭގެ ފަހުން ސަން އެފްއެމްގައި ޑިރެކްޓަ ޖެނެރަލެއްގެ މަގާމު އަހަރަކަށް ވުރެ ގިނަ ދުވަހު ފުރުއްވި އެވެ.
ޒާހިދާއްތަ ދެމިއޮތުމުގެ އާލަމަށް ދަތުރުކުރެއްވިއިރު އުމުރުފުޅަކީ 57 އަހަރެވެ.
Advertisement
This content is created and paid for by advertisers and does not involve Voice Journalists
