7 ރަށެއްގެ ބައި-އިލެކްޝަން އަންނަ މަހު ބޭއްވުމަށް އިލެކްޝަންސް ކޮމިޝަނުން ނިންމައިފިއެވެ.
އެކޮމިޝަނުން ބައި އިލެކްޝަން ބޭއްވުމަށް ހަމަޖެހިފައިވާ ރަށްތަކަކީ:
ށ. މާއުނގޫދޫ
ރ. ރަސްމާދޫ
ތ. ގުރައިދޫ
ލ. ދަނބިދޫ
ވ. ތިނަދޫ
ވ. ފެލިދޫ އަދި ހއ. ހޯރަފުށީގައެވެ.
އެކޮމިޝަނުން މިއަދު ނެރުނު އިއުލާނެއްގައި ބުނީ މާއުނގޫދޫ ކައުންސިލް މެންބަރު އިންތިހާބު ކުރުމަށް ބާއްވާ ބައި- އިލެކްޝަން އޮންނާނީ އޮކްޓޫބަރު މަހު އެއްވަނަ ދުވަހު އެވެ. އަދި އެ ދުވަހުގެ ރ. ރަސްމާދޫ، ތ. ގުރައިދޫ އަދި ލ. ދަނބިދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަން ވެސް އޮންނާނެ ކަމަށް އީސީން ބުނެއެވެ.
އޭގެ އިތުރުން ވ. ތިނަދޫ، ވ.ފެލިދޫ އަދި ހއ.ހޯރަފުށީ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަން އޮންނާނީ އޮކްޓޫބަރު މަހުގެ 22 ވަނަ ދުވަހުގައި ކަމަށްވެސް އީސީން ބުނެއެވެ.
ށ. މާއުނގޫދޫ، ރ. ރަސްމާދޫ، ތ. ގުރައިދޫ އަދި ލ. ދަނބިދޫގެ ބައި-އިލެކްޝަންގައި ވޯޓުލާން ރަޖިސްޓަރީވެފައިވާ ތަން ނޫން އެހެން ތަނެއްގައި އުޅޭ ފަރާތްތަކުން ވޯޓުލުމަށްޓަކައި ރަޖިސްޓަރީވުމުގެ ފުރުސަތު މި މަހު 19 ވަނަ ދުވަހުގެ މެންދުރު ފަހު 1:00 ގެ ނިޔަލަށް ވަނީ ހުޅުވާލާފައެވެ.
Advertisement
This content is created and paid for by advertisers and does not involve Voice Journalists
