ވިލިމާލެ ކައިރި އޮންނަ ވޭލް ސަބްމެރިންގެ ގޭސް ސިލިންޑަރުތަކެއް ގޮވައި ފުލުހުން ހަރަކާތްތެރިވާން ފަށައިފިއެވެ.
މައުލޫމާތު ލިބިފައިވާ ގޮތުގައި މިރޭ 21:20 ހާއިރު އައިޖީއެމްއެޗްގައި ޑިއުޓީގައި ހަރަކާތްތެރިވަމުންދިޔަ ފުލުހުންނަށް ވިލިމާލެއާއި ދިމާލުން ބާރު އަޑެއް އިވިގެން އެކަން ވަނީ ރިޕޯޓުކޮށްފައެވެ.
އިތުރަށް ބެލި ބެލުމުން މިއީ ވިލިމާލެ ސަރަހައްދުގައި އޮންނަ ސަބްމެރިންގެ ހަތަރު ގޭސް ސިލިންޑަރެއް ގޮވައިގެން އިވުނު އަޑެއް ކަމަށް ފުލުހުން ވަނީ މައުލޫމާތު ދީފައެވެ. އަދި އެ ސަރަހައްދުގައި ފުލުހުން ހަރަކާތްތެރި ވަމުން އަންނަ ކަމަށްވެސް އެ އިދާރާއިން ވަނީ ބުނެފައެވެ.
މި ހާދިސާގައި ސަބްމެރިން އަށް ގެއްލުން ލިބިފައިވާ މިންވަރު އަދި އެއްވެސް ފަރާތަކަށް އަނިޔާވެފައިވާކަން އަދި ކަށަވަރު ވެފައެއް ނުވެއެވެ.
Advertisement
This content is created and paid for by advertisers and does not involve Voice Journalists
