އިސްލާމީ މަރުކަޒުގެ ގޯތިތެރެއަށް އިންޑިއާ މީހެއް ބޮޑުކަމުގޮސްފިއެވެ.

އިންޑިއާ މީހާ މިސްކިތައް ބޮޑު ކަމުގޮސްފައިވަނީ ރޭ 22:00 ހާއިރުއެވެ. 

"ވޮއިސް" އަށް މައުލޫމާތު ލިިބިފައިވާ ގޮތުގައި މިސްކިތައް ބޮޑު ކަމުދިޔަ އިންޑިއާ މީހާ ވަނީ ފުލުހުންގެ ބެލުމުގެ ދަށައް ގެންގޮސްފައެވެ.

މިކަން ފުލުހުން ކަށަވަރުކޮށްދީފައިވާއިރު, މި މައްސަލާގައި 40 އަހަރުގެ ފިރިހެނެއް ހަޔަރުކުރެވިފައިވާކަމަށް ފުލުހުން "ވޮއިސް" އަށް މައުލޫމާތު ދީފައިވެއެވެ.

މިސްކިތުގެ ހުރުމަތް ކެނޑޭގޮތައް މިސްކިތައް ކުޑަ ކަމުދިޔުމާއި, ބޮޑު ކަމުދިޔުމުގެ މައްސަލަތައް މިހާރަކަށް އައިސް ފެންމަތިވަމުން އަންނަ އިރު އެފަދަ ފަރާތްތަކަށް އެދެވޭ ފިޔަވަޅުތައް ނޭޅޭކަން ފާހަގަކޮށްލަން ޖެހެއެވެ. 

މިފަދަ އަމަލު ހިންގާ އެންމެނަކީ ނަފްސާނީ ބަލި މީހުންކަމަށް ފުލުހުން ބުނެ އެ ފަރާތްތައް މުޖުތަމައުއަށް ދޫކުރުމުން އެއަމަލު ތަކުރާރުކޮށް ކުރާކަން ވެސް ފާހަގަކުރެވިފައިވެއެވެ.

ދީނަށް ފުރައްސާރަ ކުރުމާއި, ހިންދޫ ދީނުގެ ހަރަކާތްތައް ރާއްޖޭގައި ދިރިއުޅެމުން އަންނަ އިންޑިއާ ރައްޔިތުންގެ ކިބައިން ގިނަ ވަމުން އަންނަ އިރު މިފަދަ ކަންކަމުގައިވެސް އެދެވޭ ފިޔަވަޅުތައް ނާޅާކަމަށް ބުނެ ގިނަ ބަޔަކު އަންނަނީ ސަރުކާރާއި ފުލުހުންނަށް ނުރުހުން ފާޅުކުރަމުންނެވެ.