އައްޑޫ ސިޓީގައި މިހާރު ހުރީ ކޮންވެންޝަން ސެންޓަރެއް ކަމަށާއި އެ ސިޓީއަށް ހޮސްޕިޓަލެއް ބޭނުންވާ ކަމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ. 

ރައީސް ނަޝީދު މިހެން ވިދާޅުވެފައިވަނީ އެމަނިކުފާނު މިހާރު އައްޑޫއަށް ކުރައްވަމުން ގެންދަވާ ދަތުރުފުޅުގެ ތެރެއިން މަރަދޫގެ ރައްޔިތޔުންނާއި ބައްދަލުކުރައްވާ ވާހަކަ ދައްކަވަމުންނެވެ. އެ ބައްދަލުވުމުގައި ރައީސް ނަޝީދު ވިދާޅުވެފައިވަނީ އައްޑޫ އަށް މިވަގުތު ހޮސްޕިޓަލެއް ބޭނުންވާ ކަމަށާއި މިވަގުތު އެ ސިޓީގައި މިވަގުތު ހުރީ ކޮންވެންޝަން ސެންޓަރެއް ކަމަށެވެ.

ރައީސް ނަޝީދު ވަނީ މި ބައްދަލުވުމުގައި ތަކުރާރުކޮށް އައްޑޫގައި ރަނގަޅު ފެންވަރުގެ ހޮސްޕިޓަލެއް ހުރުމުގެ މުހިންމުކަން ފާހަގަކުރައްވާފައެވެ. މީގެ އިތުރުން ސަރުކާރުން އައްޑޫގެ ހޮސްޕިޓަލުގެ ކަންކަން ބަޖެޓްކޮށްގެން ތައްޔާރަށް ތިބި ކަމަށް އެމަނިކުފާނަށް ލަފާކުރެވުނު ނަމަވެސް މިއީ އަބަދުވެސް ދައްކާ ވާހަކައެއް ކަމަށްވެސް ރައީސް ނަޝީދު ވަނީ ވިދާޅުވެފައެވެ. އަދި އައްޑޫގައި ސަރުކާރު ފިޔަވާ އެހެން ބަޔަކާއި ގުޅިގެން ހޮސްޕިޓަލް ހިންގުމުގެ ފުރުސަތު ނުހޯދާ ތިބުމަކީ ވަރަށް ބޮޑު ހިތާމައެއް ކަމަށްވެސް ރައީސް ނަޝީދު ވަނީ ވިދާޅުވެފައެވެ. 

ފާހަގަ ކޮށްލެވޭ ގޮތުގައި ރައީސް ނަޝީދުގެ ވެރިކަމުގައި އައްޑޫގައި ބޭއްވުނު ސާކް ސަމިޓަށް ތަރައްގީ ކުރި ކޮންވެންޝަން ސެންޓަރު ހޮސްޕިޓަލަކަށް ބަދަލު ކުރުމުގެ މަސައްކަތް ނިމިދިޔަ ރައީސް ޔާމީނުގެ ވެރިކަމުގައި ފެށުމަށްފަހު އެތަން ނިންމާ ހިދުމަތް ދޭން ފަށާފައިވަނީ މިހާރު ހިނގަމުންދާ ރައީސް ޞާލިހްގެ ވެރިކަމުގެ ތެރޭގައެވެ.