ހަތިޔާރާއިއެކު ސިފައިންގެ ތަމްރީނެއް ކުރިއަށް ގެންދާތީ ގިރިފުށި ކައިރިން ދަތުރުކުރާއިރު ސަމާލުވާން އަންގައިފިއެވެ.

ޓްރާންސްޕޯޓް އެންޑް ސިވިލްއޭވިއޭޝަން މިނިސްޓްރީން ކުރި އިއުލާނެއްގައި ބުނީ މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ކުރިއަށް ގެންދާ އަސްކަރީ ތަމްރީނުތަކެއް ސެޕްޓެމްބަރު 20 އިން 22 އަށް މިއިން ކޮންމެ ދުވަހެއްގެ 18:30 އިން 22:30 އަށް ކ.ގިރިފުށީގައި ކުރިއަށް ގެންދިއުމަށް ހަމަޖެހިފައިވާ ކަމަށެވެ.

މި ތަމްރީނުތަކުގައި ވައިގެ ސަރަހައްދު ބޭނުންކުރުމަށް ހަމަޖެހިފައިވާއިރު، ވައިގެ ސަރަހައްދު ބޭނުންކުރެވޭނެ އެންމެ ދުރުމިނަކީ 1300 މީޓަރެވެ. އަދި ވައިގެ ސަރަހައްދު ބޭނުންކުރާނެ އެންމެ އުސްމިނަކީ 300 މީޓަރު ކަމަށްވެސް އެއިއުލާނުގައި ބުނެފައިވެއެވެ.

Advertisement

މި ތަމްރީނުތައް ގިރިފުށީ ރޭންޖްއިން ހުޅަނގު ދެކުނު ފަރާތުގައި ބާއްވަން ހަމަޖހެިފައިވާއރު، މި ސަރަހައްދުން ކަނޑުދަތުރުފަތުރުކުރާ ފަރާތްތަކުން މިކަމަށް ސަމާލުކަން ދެއްވައިގެން ދަތުރުފަތުރު ކުރެއްވުމުގެ ކަންކަން ކުރިއަށް ގެންދިއުމަށް އެ މިނިސްޓްރީން ވަނީ އެދިފައެވެ.