މުސްތަފާ ހަމީދު އިންތިގާލީ އިންސާފުގެ އޮމްބަޑްސްޕާސަން އޮފީހުގެ އޮމްބަޑްސްޕާސަން ގެ މަގާމަށް އައްޔަން ކުރުމަށް ސަރުކާރުން ނިންމަވައިފި ކަމަށް މައުލޫމާތު ލިބިއްޖެއެވެ.
"ވޮއިސް" އަށް މައުލޫމާތު ލިބިފައިވާ ގޮތުގައި މިހާރު ފުލުހުންގެ އިންވެސްޓިގޭޓަރެއްގެ ގެ މަގާމުގައި ހުންނެވި މުސްތަފާ ހަމީދު މި މަގާމަށް އައްޔަން ކުރުމަށް ނިންމާފައިވާކަން އެބޭފުޅާއަށްވެސް ވަނީ އަންގާފައެވެ.
މިކަމާއި ގުޅިގެން "ވޮއިސް" އަށް މައުލޫމާތު ދެއްވަމުން ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވެފައިވަނީ ގާނޫނު އަސާސީގައި ބަޔާން ކޮށްފައިވާ މުއްދަތުގެ ތެރޭގައި އިންތިގާލީ އިންސާފުގެ އޮމްބަޑްސްޕާސަން އޮފީހުގެ އޮމްބަޑްސްޕާސަން ގެ މަގާމަށް ރައީސް ބޭފުޅަކު އައްޔަނު ކުރައްވާނެ ކަމަށެވެ.
އިންތިގާލީ އިންސާފުގެ އޮމްބަޑްސްޕާސަން އޮފީހުގެ އޮމްބަޑްސްޕާސަން ގެ މަގާމެއް ހުސްވެފައިވަނީ މި މަހުގެ 8 ވަނަ ދުވަހު އެ މަގާމުގައި ހުންނެވި މަރިޔަމް ލައިޒާ އިސްތިއުފާ ދެއްވުމާއި ގުޅިގެންނެވެ.
Advertisement
This content is created and paid for by advertisers and does not involve Voice Journalists
