ޓައިވާނުގެ އައްސޭރި ފަށަށް ރެކްޓާ މިންގަނޑުން 7.2 މެގްނިޓިއުޑްގެ ބާރުގަދަ ބިންހެލުމެއް އައިސް އެ ގައުމަށް ސުނާމީގެ އިންޒާރު ނެރެފިއެވެ.
އެމެރިކާގެ ޖިއޮލޮޖިކަލް ސާވޭއިން ބުނާ ގޮތުން ޓައިޓަންގް ސިޓީ ކައިރިން ބިމުގެ 10 ކިލޯމީޓަރު އަޑިއަށް އައި އެ ބިންހެލުމުގެ ބާރުމިނަކީ 7.2 މެގްނިޓިއުޑެވެ. ނަމަވެސް ޓައިވާނުގެ މޫސުމާބެހޭ ބިއުރޯއިން ބުނާ ގޮތުން އެ ސިޓީގެ 50 ކިލޯމީޓަރު ދުރަށް އައި މި ބިންހެލުމުގެ ބާރުމިނަކީ 6.8 މެގްނިޓިއުޑް އެވެ.
މި ބިންހެލުމާއި ގުޅިގެން މިހާރު ވަނީ ސުނާމީގެ އިންޒާރުވެސް ނެރެފައެވެ. އެގޮތުން އެއް މީޓަރަށްވުރެ އުސް ސުނާމީއެއް އަރާފާނެ ކަމަށް ވަނީ ލަފާ ކޮށްފައެވެ.
ޓައިވާނުގެ މީޑިއާތަކުން އަދި ސޯޝަލް މީޑިއާގައި ދައުރުވަމުންދާ ވީޑިއޯ ތަކާއި ފޮޓޯތަކުން ފެންނަ ގޮތުގައި ޓައިވާނުގެ ބައެއް އިމާރާތްތައް ބިމާއި ހަމަވެ މަގުތަކާއި ބުރިޖުތަކަށްވެސް ވަނީ ގެއްލުން ވެފައެވެ. މި ބިންހެލުމާއި ގުޅިގެން އެއްވެސް މީހަކު މަރުވެ ނުވަތަ އަނިޔާއެއްވިކަން މިހާތަނަށް އެނގިފައެއް ނުވެއެވެ.
Advertisement
This content is created and paid for by advertisers and does not involve Voice Journalists
