ރާއްޖޭގެ 14 ރަށެއްގައި ކުޑަކުދިންގެ ޕާކް އަޅާނެ ސާމާނު އެ ރަށްތަކުގެ ކައުންސިލާއި ޔޫތް މިނިސްޓްރީއިން ހަވާލުކޮށްފިއެވެ.
ޔޫތު މިނިސްޓްރީން މިތަކެތި ކައުންސިލްތަކާއި ހަވާލުކޮށްދެއްްވީ އިއްޔެ ގަލޮޅު ފުޓްބޯޅަ ދަނޑުގައި ބޭއްވި ޚާއްސަ ރަސްމިއްޔާތެއްގައި މިނިސްޓަރ އަހުމަދު މަހްލޫފް އެވެ. އެ ރަށްތަކުގެ ފަރާތުން ތަކެއްޗާއި ހަވާލުވީ ރައްޔިތުންގެ މަޖިލީހުގެ ބައެއް މެމްބަރުންނާއި ރަށު ކައުންސިލަރުންނެވެ.
މި ރަސްމިއްޔާތުގައި ވާހަކަ ދައްކަވަމުން މިނިސްޓަރ މަހްލޫފް ވިދާޅުވީ، ކުރިއަށް އޮތް ތަނުގައި ރާއްޖޭގެ އެކި ރަށްރަށުގައި 130 އަށް ވުރެ ގިނަ ޕާކު ތަރައްގީކުރުމަށް ރަށްރަށާ ތަކެތި ހަވާލުކުރި ނަމަވެސް ބައެއް ރަށްރަށުގެ މަސައްކަތްތައް ލަސްވަމުންދާ ކަމަށެވެ. މިނިސްޓްރީން ވަނީ ޕާކުތަކުގެ މަސައްކަތްތައް ވީހާވެސް އަވަހަށް ނިންމުމަށް އިލްތިމާސްކޮށްފައެވެ.
ޕާކު ހެދުމަށް ތަކެތި ހަވާލުކުރި ރަށްތަކަކީ:
ހދ. ނޭކުރެންދޫ
ށ. ކަނޑިތީމު
ށ. މާއުނގޫދޫ
ނ. ނަރުދޫ
ނ. މަގޫދޫ
ބ. ކަމަދޫ
ބ. ދަރަވަންދޫ
އއ. ބޮޑުފޮޅުދޫ
ދ. ރިނބުދޫ
ދ. މީދޫ
ތ. ތިމަރަފުށި
ތ. ގާދިއްފުށި
ތ. ގުރައިދޫ
ލ. މުންޑޫ
Advertisement
This content is created and paid for by advertisers and does not involve Voice Journalists
