ސިނަމާލެ ބުރިޖާއި ހުޅުމާލެ އާއި ދެމެދު އޮންނަ ހައިވޭގައި ދެ ކާރަކާއި ސައިކަލެއް ޖެހި އެކްސިޑެންޓެއް ހިނގައިފިއެވެ. 

ރޭ 11:00 ހާއިރު ހިނގި މި އެކްސިޑެންޓުގައި ކުރިން ދުއްވާފައި ދިޔަ ސައިކަލެއްގައި ކާރަކުން ޖެހި، އެ ކާރުގެ ފަހަތުން އައި އެހެން ކާރެއް ވަނީ އެ ކާރުގައި ޖެހިފައެވެ. 

މިހާދިސާގައި އެއްވެސް ފަރާތަަކަށް އަނިޔާވި ކަމަށް ނުބެލެވޭއިރު އެކްސިޑެންޓުވި ދެ ކާރާއި ސައިކަލަށްވެސް ވަނީ ކޮންމެސް ވަރެއްގެ ގެއްލުން ތަކެއް ވެފައެވެ. މަންޒަރުދުއް ފަރާތަކުން "ވޮއިސް" އަށް ހިއްސާކޮށްފައިވާ ގޮތުން އެ އެކްސިޑެންޓު ހިނގި ސަރަހައްދުގައި ފުލުހުން ވަނީ ހަރަކާތްތެރި ވެފައެވެ.

މި ހާދިސާ އާއި ގުޅިގެން މިހާތަނަށް ފުލުހުންގެ ފަރާތުން އެއްވެސް ތަފްސީލެއް ލިބިފައެއް ނުވެއެވެ.