ގިނަ އަދަދެއްގެ ހަފްލާތައް ބާއްވާ، ލޮނުޒިޔާރާތް ޕާކު ކުއްޔަށް ދޫކުރާ އަގު ހެޔޮކޮށް އެ ޕާކު ބެލެހެއްޓުމާ ގުޅޭ އުސޫލެއް މާލޭ ސިޓީ ކައުންސިލުން އާންމުކޮށްފި އެވެ.

އެ ކައުންސިލުން އިއްޔެ ވަނީ އެ ތަން ބަލަހައްޓާނެ ގޮތާއި ކުއްޔަށް ދޫކުރާނެ ގޮތް ވަރަށް ތަފްސީލުކޮށް ބަޔާން ކޮށްފަ އެވެ.

ލޮނުޒިޔާރާތް ޕާކުގެ ޖުމުލަ ނުވަ ސަރަހައްދެއް ކުއްޔަށް ދޫކުރާނެ އަގު ވަނީ ސިޓީ ކައުންސިލްގެ އުސޫލުގައި 9 ތަނެއް ބަޔާންކޮށްފައިވެއެވެ.

އެ ނުވަ ތަނަކީ:

1. ވަރުނުލާ ރާޅު ސަރަހައްދު- 12 ގަޑިއިރަށް 3000ރ. އަށް

2. ހޭޅި 1 ސަރަހައްދު- 12 ގަޑިއިރަށް 6000ރ. އަށް

3. ހޭޅި 2 ސަރަހައްދު- 12 ގަޑިއިރަށް 7000ރ. އަށް

4. އުސް ބަގީޗާ ސަރަހައްދު- 12 ގަޑިއިރަށް 7000ރ. އަށް

5. މެދު ބަގީޗާ ސަރަހައްދު- 12 ގަޑިއިރަށް 7000ރ. އަށް

6. މާމެލާމެލި ސަރަހައްދު- 24 ގަޑިއިރަށް 10،000ރ. އަށް

7. ފާލަން އައްސޭރި ސަރަހައްދު- 12 ގަޑިއިރަށް 5000ރ. އަށް

8.ކަސްރަތު ފެހި ސަރަހައްދު- 12 ގަޑިއިރަށް 15،000ރ. އަށް

9. ފެނާރު މައިޒާން ސަރަހައްދު- 12 ގަޑިއިރަށް 3000ރ. އަށް

މީގެ އިތުރުން 24 ގަޑިއިރަށް ލޮނުޒިޔާރަތް ޕާކު ކުއްޔަށް ނަގާނަމަ 50،000 ރުފިޔާ ދައްކަން ޖެހެއެވެ. އެކި އެކި ހަފްލާތައް ބޭއްވުމަށް ޕާކު ކުއްޔަށް ދޫކުރި ނަމަވެސް ސިޔާސީ އެއްވެސް ބޭނުމަކަށް ޕާޓީތަކަށް ކުއްޔަށް ދޫނުކުރެވޭނެ ކަމަށް އެ އުސޫލުގައި ބުނެފައިވެއެވެ.