މޯލްޑިވްސް މީޑިއާ ކައުންސިލް (އެމްއެމްސީ) އިން ދޭން ނިންމާފައިވާ ގްރާންޓް ސްކީމަށް އެދި ހުށަހެޅުމުގެ ފުރުސަތު ހުޅުވާލައިފި އެވެ.

މިއީ ވަކި ދާއިރާތަކުން ހަބަރާއި މައުލޫމާތާއި، ރިޕޯޓްތައް ގެނައުން އިތުރުކުރުމަށްޓަކައި، ނޫސްވެރިންނަށް އެ ކައިންސިލުން ދޭން ނިންމާފައިވާ ގްރާންޓް ސްކީމެކެވެ. އެގޮތުން ފަސް ދާއިރާއަކުން ގްރާން ދޭން އެމްއެމްސީން ވަނީ ނިންމާފައެވެ.

އެގޮތުން ކޮންމެ ދާއިރާތަކުން ދޭނީ ތިން ގްރާންޓް ނިންމާފައިވާއިރު، ދޭން ނިންމާފައިވާ އަދަދަކީ 4،000ރ. އެވެ. ގްރާންޓް ސްކީމްގެ ދަށުން ގްރާންޓް ދޭން ނިންމާފައިވާ ދާއިރާތައް

1- މޫސުމީ/ ތިމާވެށި

2- މިންތީގެ ހަމަހަމަކަން

3- ހެޔޮ ވެރިކަން

4- ފައިނޭންޝިއަލް

5- ފައިނޭޝިއަލް ރިޕޯޓިން، އަދި އިންވެސްޓިގޭޓިވް ޖާނަލިޒަމް

އެމްއެމްސީން ބުނީ މި ގްރާންޓަށް އެދި ޝައުގުވެރިވާ ފަރާތްތަކަށް އަންނަ މަހުގެ 2 ވަނަ ދުވަހާ ހަމައަށް ގްރާންޓަށް އެދި ހުށަހެޅޭނެ ކަމަށެވެ. ގްރާންޓަށް އެދި ހުށަހެޅޭނީ ރަޖިސްޓްރީކޮށްގެން ހިންގާ މީޑިއާއެއްގައި ޚިދުމަތްކުރާތާ އެއް އަހަރުވެފައިވާ ދާއިމީ ނޫސްވެރިންނަށެވެ.

އަދި އެ މީޑިއާއަކުން ނުވަތަ އެމީ ޑިއާއެއްގެ ރަޖިސްޓްރީކޮށްފައިވާ ކުންފުނިން ދައުލަތަށް ދައްކަން ޖެހޭ އެއްވެސް ފައިސާއެއްވާ ނަމަ ގަވައިދުން ފައިސާ ދައްކަމުން އަންނަ މީޑިތަކުގައި މަސައްކަތްކުރާ ނޫސްވެރިންނަށާއި ޕެންޝަނާ ބެހޭ ޤާނޫނުތަކާއި ޤަވާއިދުތަކުގެ ދަށުން އެ މީޑިއާއެއްގެ މުވައްޒަފުން ޕެންޝަން ސްކީމްގައި ބައިވެރިކޮށް ގަވައިދުން ފައިސާދައްކަމުންގެންދާ މީޑިއާއެއްގެ ނޫސްވެރިންނަށް ކަމަށްވެސް އެމްއެމްސީން ބުނެއެވެ.

މީގެ އިތުރުން ގްރާންޓް ލިބޭ ހުރިހާ ނޫސްވެތިން ގްރާންޓް ލިބޭތާ 45 ދުވަހުގެ ތެރޭގައި އެ މީހުންގެ ލިޔުން ނުވަތަ ރިޕޯޓްތައް ޝާއިއުކޮށް އެކަން އެ ކައުންސިލަށް އަންގަން ޖެހޭނެ ކަމަށްވެސް އެމްއެމްސީން ބުނެއެވެ. ގްރާންޓުގެ ދަށުން ޝާއިއުކުރާ ލިޔުންތައް ޝާއިއުކުރާ އިރު، ކައުންސިލުން ކަނޑައަޅާ ނިޝާނެއް ނުވަތަ ބެޖެޓެއް އެ ލިޔުމެއްގައި ހިމަނަން ޖެހެ އެވެ.