ނޯ ޕްލާސްޓިކް މޯލްޑިވްސްގެ ސޮފްޓް ލޯންޗިން ދިވެހިރާއްޖޭގައި މިވަގުތު އޮޕަރޭޓްކުރާ އެންމެ ބޮޑު ފާރީ އުޅަނދު ކަމަށްވާ ރިޓްރެއްލާ ބާއްވައިފިއެވެ.
ނޯ ޕްލާސްޓިކް މޯލްޑިވްސް އާއި މޯލްޑިވިއާނާ ގްރޫޕާއި ގުޅުމާއި، ނޯ ޕްލާސްޓިކް މޯލްޑިވްސް ގެ ސޮފްޓް ލޯންޗިން ފާހަގަކުރުމަށް ބޭއްވުނު މި އިވެންޓު ޝަރަފްވެރިކޮށްދެއްވާފައިވަނީ ޓުއަރިޒަމް މިނިސްޓަރު ޑރ. ޢަބްދުﷲ މައުސޫމެވެ. ޓުއަރިޒަމް މިނިސްޓަރުގެ އިތުރުން މި އިވެންޓުގައި އެމް.އެމް.ޕީ.އާރ.ސީގެ މެނޭޖިން ޑިރެކްޓަ ތައްޔިބު މުހައްމަދާއި، ނޯ ޕްލާސްޓިކް އަދި މޯލްޑިވިއާނާ ގްރޫޕް ބޯޑް މެންބަރުންނާއި، ވެމްކޯއިން ބައިވެރިއެވެ.
މި އިވެންޓުގައު ވާހަކަދައްކަވަމުން ޝަރަފްވެރި މެހުމާނު މިނިސްޓަރު ޑރ. އަބްދުﷲ މައުސޫމް ވިދާޅުވެފައިވަނީ ރާއްޖޭގެ ފަތުރުވެރިކަން ދެމެހެއްޓެނިވި ގޮތެއްގައި ކުރިއަށް ގެންދިޔުމަށް ތިމަވެށި ހިމަޔާތްކޮށް ރައްކާތެރި ކަމާއިއެކު އަންނަން އޮތް ޖީލުތަކަށް ފޯރުކޮށްދޭންޖެހޭ ކަމަށެވެ. އަދި ރާއްޖޭގެ ނާޒުކު ތިމާވެއްޓަށް ކުރިމަތިވެފައިވާ ގިނަގުނަ ގޮންޖެހުންތަކުގެ ތެރޭގައި އެއްފަހަރު ބޭނުންކޮށްފައި އުކާލާ ޕްލާސްޓިކުން އުފެދޭ ކުނި ހިމެނޭއިރު، މިމައްސަލަ ހައްލުކުރުމަށް ނޯ ޕްލާސްޓިކުން ކުރާ މަސައްކަތްތައް ފާހަގަކުރެއްވިއެވެ.
މީގެ އިތުރުން މި އިވެންޓުގައި ވާހަކަދައްކަވަމުން މޯލްޑިވިއާނާ ގްރޫޕްގެ ޗެއަރމަން އަދި ނޯ ޕްލާސްޓިކް މޯލްޑިވްސްގެ އިންޓަރނޭޝަނަލް އެގްޒެކްޓްޓިވް ޑިރެކްޓަރ އަރތަރ ލިޕޯވް ވިދާޅުވެފައިވަނީ ނޯ ޕްލާސްޓިކް މޯލްޑިވްސްއާއިއެކު ކުރާ މަސައްކަތުން ރާއްޖޭގެ ރީތިކަން އިއާދަ ކުރުމަށް ޖަމާޢީގޮތެއްްގައި ގިނަ މަސައްކަތްތަކެއް ކުރެވޭނެކަން ފާހަގަކުރައްވަމުން އަރތަރވަނީ، އެއްފަހަރާ ބޭނުންކޮށްފައި އުކާލާ ޕްލާސްޓިކް ބޭންކުރުމަށް ދިވެހި ސަރުކާރުން ކުރާ މަސައްކަތަށް ޝުކުރު އަދާކޮށްފައެވެ.
ނޯ ޕްލާސްޓިކް މޯލްޑިވްސް އަކީ 2019ވަނަ އަހަރު ރަޖިސްޓްރީކޮށްގެން ހިންގާ މަދަނީ ޖަމުއިއްޔާއެކެވެ. މިޖަމުއިއްޔާގެ މައިގަނޑު މަގްސަދަނީ އެއްފަހަރު ބޭނުންކޮށްފައިވާ އުކާލާ ޕްލާސްޓިކް ކުނި ރާއްޖޭގެ ވެށިން މަދުކޮށް ޕްލާސްޓިކަށް ނޫނެކޭ ބުމުމުގެ ސަޤާފަތެއް ޤާއިމްކޮށް ވެށީގެ ސާފުތާހިރުކަން ޤާއިމްކުރުމެވެ.
Advertisement
This content is created and paid for by advertisers and does not involve Voice Journalists
