Advertisement

އެކުވެރިކަމުގެ މެޗުގައި ރާއްޖޭގެ ގައުމީ ފުޓްބޯޅަ ޓީމުން ބުރުނާއީ ބަލިކޮށްފި

21 Sep 2022 | 16:10
ބުރުނާއީ އާއި ދެކޮޅަށް ނިކުތް ގައުމީ ޓީމުގެ ފުރަތަމަ 11 -- ފޮޓޯ: އެފްއޭއެމް

އެކުވެރިކަމުގެ މެޗުގައި ރާއްޖޭގެ ގައުމީ ފުޓްބޯޅަ ޓީމުން ބުރުނާއީގެ ގައުމީ ޓީމު ބަލިކޮށްފިއެވެ.

މިއަދު ބުރުނާއީގައި ކުޅުނު މި މެޗު ރާއްޖޭގެ ގައުމީ ޓީމުން ކާމިޔާބު ކޮށްފައިވަނީ 3-0 ގެ ނަތީޖާއަކުންނެވެ. މި މޮޅާއި އެކު ގައުމީ ޓީމުން އެންމެ ފަހުން ކުޅުނު ދެ މެޗުވެސް މިވަނީ ކާމިޔާބު ކޮށްފައެވެ. ނިމިދިޔަ ޖޫން މަހު އޭސިއަން ކަޕް ކޮލިފިކޭޝަންގައި ލަންކާ އާއި ދެކޮޅަށް ކުޅުނު މެޗު ގައުމީ ޓީމުން ކާމިޔާބު ކޮށްފައިވަނީ 1-0 ގެ ނަތީޖާއަކުންނެވެ.

މިއަދުގެ މެޗުގައި ރާއްޖޭގެ ފުރަތަމަ ގޯލު މެޗުގެ 36 ވަނަ މިނަޓުގައި ޖަހައިދިނީ އިބްރާހިމް ވަހީދު އެވެ. މެޗުގައި ރާއްޖެއިން ދެން ހެޖި ދެ ގޯލުވެސް ފެނިގެން ގޮސްފައިވަނީ މެޗުގެ ފަހު ހާފުގައެވެ. އެގޮތުން މެޗުގެ 72 ވަނަ މިނަޓުގައި ހަމްޒާ ދެވަަނަ ގޯލު ޖަހައިދިން އިރު ތިންވަނަ ގޯލު މެޗުގެ އިތުރު ވަގުތުގައި ޖަހައިދީފައިވަނީ ރާއިފް އެވެ. 

Advertisement

ބުރުނާއި ގައި ރާއްޖެއިން ކުޅުމަށް ހަމަޖެހިފައިވާ ދެވަނަ އެކުވެރި ކަމުގެ މެޗުގައި މި މަހުގެ 24 ވަނަ ދުވަހު ނިކުންނާނީ ލާއޮސް އާއި ދެކޮޅަށެވެ. 

Advertisement

ކޮމެންޓް