ޖިއޮގްރެފިކް ތަންތަނަށް ނަން ކިއުމުގެ އުސޫލެއް އެކުލަވާލައިފިއެވެ.

މޯލްޑިވްސް ލޭންޑް އެންޑް ސަރވޭ އޮތޯރިޓީން ވަނީ ރާއްޖޭގެ ރަށްތަކާއި، ފަޅުތަކާއި، ފަރުތަކާއި، ހާހަލާއި، އިދާރީ ދާއިރާތަކާއި، އަދި މިނޫންވެސް އެހެނިހެން ޖިއޮގްރަފިކް ތަންތަނުގެ ތެރެއިން ނަމެއް ކަނޑައަޅާފައިނުވާ ތަންތަނަށް ނަމެއް ދިނުމާއި، އެފަދަ ތަނަކަށް ދީފައިވާ ނަމެއް އިސްލާހުކުރަން ޖެހިއްޖެ ހާލަތެއްގައި އިސްލާޙުކުރުމުގެ ގޮތުން "ޖިއޮގްރަފިކް ނަންތަކާއިބެހޭ ކޮމިޓީ" އެއް މިހާރު ވަނީ އެކުލަވާލާފައެވެ.

އެކޮމިޓީގައި ހިމެނޭ ދާއިރާތަކަކީ: 

1- ރައީސުލްޖުމްހޫރިއްޔާގެ އޮފީސް

2- މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ

3- މޯލްޑިވްސް ލޭންޑް އެންޑް ސަރވޭ އޮތޯރިޓީ

4- މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީ

5- ދިވެހި ބަހުގެ އެކަޑަމީ

6- މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ

7- މިނިސްޓްރީ އޮފް ޓޫރިޒަމް

8- ލޯކަލް ގަވަރމަންޓް އޮތޯރިޓީ

9- މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖް

މި ކޮމިޓީން ނަން ކިޔާއިރު،  ބަލާނެ މިންގަނޑުތަކުގެ ތެރޭގައި ނަން ދިނުމުގައި ދިވެހިބަހުން ކިޔާ ނަމެއްކަމުގައިވުމާއި، މުޖުތަމަޢުގެ އަޚްލާޤީ މިންގަނޑުތަކަށް ފެތޭ ސާދާ، ކިޔަން ރީތި ފަސޭހަ ނަމަކަށްވުން ހިމެނެއެވެ.

އަދި ނަމަކީ ކުރިން އެހެން ތަނަކަށް ކިޔާފައިވާ ނަމަކަށް ނުވުމާއި، ރަށް ނުވަތަ އެރަށެއް އޮތް ސަރަޙައްދުގައި ފެންނަން ހުރި ކަންތައްތަކަށް މިސާލަކަށް ޖިއޮގްރަފީ، ޖިއޮލޮޖީ، ދިރޭތަކެތި، ތާރީޚަށް ރިއާޔަތްކޮށް ނަމެއް ދިނުމަށްވެސް އެ އުސޫލުގައި ބުނެފައިވެއެވެ.

ޖިއޮގްރަފިކް ތަންތަނަށް ނަން ކިޔުމުގައި ބަލާނެ ކަންކަން :

ރަށުގެ ކުޑަ ބޮޑުމިން / މިސާލު: ދިގުރަށް، ކުޑަރަށް، ގަން، ދިއްފުށި، ދޫނިދޫރަށް އުފެދުމުގައި ހުރި ސިފަތައް / މިސާލު: އުސްފުށި، ބާރަށްރަށް އޮތް ތަން (ސަރަޙައްދު ނުވަތަ ހިސާބުގަނޑު)ރަށުގެ ގުދުރަތީ އުމުރު

ރަށުގެ ޚާއްސިއްޔަތު (ރަށުގައި ނުވަތަ ވަށައިގެންވާ ވަސީލަތްތަކާއި، ދިރުންތައް ނުވަތަ ޖިއޮލޮޖިކަލް ފީޗަރސް)ރަށް ނުވަތަ ސަރަޙައްދުގެ ތާރީޚަށް ރިއާޔަތްކޮށް

މި އުޞޫލުގައި ބަޔާންކޮށްފައިވާ ގޮތުން ތިންވަނަ ފަރާތަކުން ޖިއޮގްރަފިކް ތަނަކަށް ނަންކިޔުމަށް ހުށަހަޅާނަމަ، ހުށަހަޅާ ނަންތަކާއި، އެނަމެއް ހުށަހަޅާ ސަބަބުތައް އުސޫލާއި އެއްގޮތަށް ބަޔާންކޮށް ސަރުކާރުގެ އިދާރާއެއް ފިޔަވާ ތިންވަނަ ފަރާތަކުން ރަށަކަށް ނަމެއް ކިޔުމަށް ހުށަހެޅޭނީ އެފަރާތަކުން ފަޅެއްގައި ހިއްކާފައިވާ ރަށެއްކަމުގައިވާނަމައެވެ. އަދި އެރަށަކީ އެފަރާތައް ސަރުކާރުގެ ވުޒާރާއަކުން ކުއްޔަށް ދޫކޮށްފައިވާ ތަނަކަށް/ފަޅަކަށް ވާންވާނެއެވެ. ރަށަކަށް ކިޔާނަމެއް ބަދަލުކުރަން ތިންވަނަ ފަރާތަކަށް ހުށަހެޅޭނީ އެފަރާތަކަށް ކުއްޔަށް ދީފައިވާ ރަށަކަށް ވާނަމައެވެ.