އަންނަ އަހަރުގެ ރިޔާސީ އިންތިހާބު ކާމިޔާބު ކުރައްވާ، ކުރީގެ ރައީސް އަދި އިދިކޮޅު ކޯލިޝަންގެ ރިޔާސީ ކެންޑިޑޭޓު ޔާމީން އަބްދުލް ގައްޔޫމް ވެރިކަމަށް ވަޑައިގަނެ ޗައިނާ އާއި އޮތް ގުޅުން ބަދަހި ކުރައްވާނެ ކަމަށް ޕީޕީއެމްގެ ނައިބު ރައީސް އަދި މާލޭ ސިޓީ ކައުންސިލުގެ މޭޔަރު ޑރ މުހައްމަދު މުއިއްޒު ވިދާޅުވެއްޖެއެވެ. 

މުއިއްޒު މިހެން ވިދާޅުވެފައިވަނީ  ޗައިނާގެ ވެރިކަންކުރާ ކޮމިއުނިސްޓް ޕާޓީ އޮފް ޗައިނާ (ސީޕީސީ) އިން އިންތިޒާމުކޮށްގެން ބޭއްވި ރަސްމިއްޔާތެއްގައި ވާހަކަ ދައްކަވަމުންނެވެ. 

އެގޮތުން މުއިއްޒު ވިދާޅުވެފައިވަނީ އިދިކޮޅު މައި ޕާޓީ ޕީޕީއެމްއާއި ޗައިނާގެ ސީޕީސީ އާއި ދެމެދު އުފެދިފައިވާ ވަރުގަދަ ގުޅުމުގެ ސަބަބުން ފާއިތުވި އަހަރުތަކުގެ ތެރޭގައި ޕީޕީއެމްއަށް ގިނަގުނަ ފައިދާތަކެއް ވެފައިވާ ކަމަށެވެ. އަދި ޗައިނާއާއި ރާއްޖެއާއި ދެމެދު ބަދަހިވެފައިވާ ގުޅުމުގެ މައިގަނޑު އެއް ސަބަބަކީ ވެސް އެ ދެ ޕާޓީގެ ދެމެދުގައި އުފެދިފައިވާ ގުޅުން ކަމަށްވެސް މުއިއްޒު ވަނީ ވިދާޅުވެފައެވެ. 

މީގެ އިތުރުންވެސް ދިވެހިރާއްޖެ އަށް މިއަދު އައިސްފައިވާ ތަރައްގީ ގެނައުމުގައި ޗައިނާގައި މިހާރު ވެރިކަން ކުރަމުންދާ ޕާޓީއިން ވެދެއްވަމުން ގެންދަވާ އެހީތެރިކަންވެސް މުއިއްޒު ވަނީ ފާހަގަ ކުރައްވާފައެވެ. އެގޮތުން ޗައިނާގެ އެހީގެ ދަށުން ރައީސް ޔާމީނުގެ ޗައިނާ މޯލްޑިވްސް ފްރެންޑްޝިޕް ބްރިޖާޗައިނާ މޯލްޑިވްސް ފްރެންޑްޝިޕް ބްރިޖާއި ވެލާނާ އެއާޕޯޓު ފަދަ މަޝްރޫއުތައް މުއިއްޒު ވަނީ ފާހަގަކުރައްވާފައެވެ.