މި އަހަރުގެ ހޫނު މޫސުމުގެ ފުޓްބޯޅަ ޓްރާންސްފާ މާކެޓުގެ ޑެޑްލައިން ޑޭ ގައި ސްޕެއިންގެ ބާސެލޯނާއިން އެ ޓީމުގެ ތަރި ޕިއެރޭ އެމްރިކް އަބަމަޔާންގް ޗެލްސީއަށް ވިއްކާލައި އެ ޗެލްސީގެ މާކަސް އެލޮންސޯ ބާސެލޯނާއަށް ގެނައުމަށް އެއްބަސް ވެއްޖެއެވެ.
ބާސާއިން އަބަމަޔާންގް ޗެލްސީއަށް ވިއްކާލާފައިވަނީ ޖުމްލަ 14 މިލިއަން ޔޫރޯގެ އަގަކާއި މާކަސް އެލޮންސޯ އެ ޓީމަށް ލިބޭ ގޮތަށް ވެވުނު އެއްބަސް ވުމެއްގައެވެ.
އަބަމަޔަންގް މެޑިކަލް ޓެސްޓުތައް ހެދުމަށް އިނގިރޭސިވިލާތަށް ދިޔުމަށް ތައްޔާރުވަމުން ދާއިރު އެލޮންސޯ މިހާރުވެސް ހުރީ ސްޕެއިންގައި ކަމަށް ރިޕޯޓުތައް ބުނެއެވެ.
އަބަމަޔަންގް ޗެލްސީއަށް ގުޅުމަށް އެއްބަސްވެފައިވަނީ ދެ އަހަރުގެ މުއްދަތަކަށެވެ. އަދި އެލޮންސޯ ބާސާއަށް ގުޅުމަށް އެއްބަސްވެފައިވަނީ ތިން އަހަރުގެ މުއްދަކަށެވެ.
ވިސާއާއި މެޑިކަލް ޓެސްޓު ތަކަށްފަހު އަންނަ ހަފްތާގެ މެޗުތަކުގައި މި ދެ ކުޅުންތެރިންގެ އައު ޓީމުތަކުގެ ޖާޒީގައި ފެނިގެންދާނެ ކަމަށް ބެލެވެއެވެ.
ޑެޑްލައިން ޑޭގެ އެންމެ ފަހުގެ މައުލޫމާތުތައް "ވޮއިސް" އިން މިރޭ ގެނެސްދެމުންދާނެއެވެ.
Advertisement
This content is created and paid for by advertisers and does not involve Voice Journalists
