ޕާކިސްތާނަށް މިހާރު ކުރަމުންދާ ހުޅަނގު މޫސުމުގެ ވިއްސާރައިގައި ހާލުގައި ޖެހިފައިވާ ފަރާތްތަކަށް އިންޓަރ ނޭޝަނަލް އެއިޑް ކެމްޕެއިން އިން އެހީތެރިވާން ފަށައިފިއެވެ.

ޕާކިސްތާނުގައި ހާލުުގައި ޖެހިފައިވާ ފަރާތްތަކަށް އެހީތެރިވުމުގެ ފުރުސަތު އައިއޭސީ އިން ދިވެހިންނަށް ހުޅުވާލާފައިވަނީ ނިމިދިޔަ އޮގަސްޓް މަހުގެ 30 ވަނަ ދުވަހުއެވެ. މިގޮތުން ލިބުނު އެހީގެ ދަށުން އިއްޔެ ވެސް ވަނީ ޕާކިސްތާނުގެ އެކި ފަރާތްތަކަށް އެހީ ފޯރުކޮށްދީފައެވެ.

އެގޮތުން އައިއޭސީގެ އެހީގެ ދަށުން ފެންބޮޑުވެ ގެދޮރު ގެއްލި، ހާލުގައި ޖެހިފައިވާ ފަރާތްތަކަށް އެހީވުމަށްޓަކައި 5800 ބަތްޕާރުސަލް ފޯރުކޮށްދީފައެވެ. އައިއޭސީއިން ބުނެފައިވަނީ މިފަދަ ހާލަތެއްގައި ތިބި ބަޔަކަށް އެހީވުމަށް ކުރެވޭނެ އެންމެ މުހިއްމު ކަމެއްގެ ގޮތުގައި އެފަރާތަށް އަބަދުވެސް ފެންނަ އެއްކަމަކީ ކައްކާފަ ކާންދިނުން ކަމަށެވެ.

Advertisement

މިދިޔަ މަހުގެ 16 ވަނަ ދުވަހުން ފެށިގެން ޕާކިސްތާނަށް ކުރަމުންދާ ވިއްސާރާގައި މަރުވި މީހުންގެ އަދަދު 1،000 އަށްވުރެ މަތިވެ، އެތައް ސަތޭކަ ހާސް ބަޔަކު ވަނީ ހާލުގައި ޖެހިފައެވެ.

އައިއޭސީއިން ޕާކިސްތާނަށް އެހީތެރިވާން ބޭނުންވާ ފަރާތްތަކަށް އެ ފުރުސަތު ވަނީ ހުޅުވާލާފައެވެ.

ޕާކިސްތާނަށް އެހީވުމަށް

ބީއެމްއެލް އިސްލާމިކްއެކައުންޓް ނަމްބަރު: 7770000062741

އެކައުންޓް ނަން: International Aid Campaign

އެކައުންޓް ލޭބަލް: IAC | EMERGENC