ރާއްޖެ ޓްރާންސްޕޯޓު ލިންކު (އާރްޓީއެލް) ގެ ވެބްސައިޓުން އެ ފަރާތުން ފޯރުކޮށްދޭ ފެރީ އަދި ބަހުގެ ހިދުމަތުގެ ޝެޑިއުލް ފެންނާނެ ގޮތް ހަމަޖައްސައިފިއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ ދަށުން ހިންގާ އާރްޓީއެލްގެ މި ހިދުމަތް ލިބޭނެ ކަން އާންމުކޮށްފައިވަނީ އެމްޓީސީސީގެ ސީއީއޯ އާދަމް އާޒިމް ކުރެއްވި ޓުވީޓެއްގައެވެ.
އާޒިމްގެ ޓުވީޓުގައި ބުނެފައިވަނީ އާރްޓީއެލް ވެބްސައިޓުން މިހާރު އާރްޓީއެލް ފެރީ އަދި ބަހުގެ ޝެޑިއުލް ބަލައިލެވެން ހުންނާނެ ކަމަށެވެ.
އާރްޓީއެލް އިން މިހާރު މާލޭގެ އިތުރުން އައްޑޫ ސިޓީ އަދި ފުވައްމުލަށް ސިޓީ އާއި ލާމު އަތޮޅުގައި މިނީ ބަހުގެ ހިދުމަތް ދިނުމަށް ތައްޔާރު ވަމުންނެވެ. އަދި މިހާރު އާރްޓީއެލް އިން އަންނީ އެންމެ އުތުރު ތިން އަތޮޅަށް ފެރީގެ ހިދުމަތް ދަނީ ދެމުންނެވެ. އަދި އޮންލައިންކޮށް މި ހުރިހާ ސަރަހައްދު ތަކެއްގެ ދަތުރު ތަކުގެ ޝެޑިއުލް ތައް ބެލޭނެ ގޮތް ވެގެންދިޔުމަކީ ގިނަ ބަޔަކަށް ފައިދާ ވާނެ ކަމެއް ކަމަށް ބެލެވެއެވެ.
Advertisement
This content is created and paid for by advertisers and does not involve Voice Journalists
