މިސަރުކާރުގެ ޚާރިޖީ ސިޔާސަތު އޮތީ ބޮޑު އެއްގައުމެއްގެ މައްޗަށް ބުރަވެފައި ކަމަށް މޯލްޑިވްސް ނޭޝަނަލް ޕާޓީ(އެމްއެންޕީ)ގެ ރައީސް މުހައްމަދު ނާޒިމް ވިދާޅުވެ ސަރުކާރަށް ފާޑުވިދާޅުވެއްޖެއެވެ.

ރޭ ބޭއްވި އެމްއެންޕީގެ ފުރަތަމަ ގައުމީ ޖަލްސާގައި ވާހަކަ ދައްކަވަމުން ނާޒިމް ވިދާޅުވީ ޒަމާނުއްސުރެ ރާއްޖޭގެ ހާރިޖީ ސިޔާތު އޮތީ ވަކި އަތަކަށް ބުރަނުވެ ކަމަށެވެ.

އެހެން ނަމަވެސް ވޭތުވެދިޔަ އަހަރުތަކުގައި ރާއްޖޭގެ ހާރިޖީ ސިޔާސަތު ފެންނަނީ ވަކި އަތަކަށް ބުރަވެފައިވާތަން ކަމަށް ނާޒިމް ވިދާޅުވިއެވެ.

Advertisement

ނާޒިމް ވަނީ އެއްވެސް ގައުމެއްގެ އަސްކަރިއްޔާއިން ރާއްޖޭގައި ގާއިމްވެ ތިބުމަކީ އެ ޕާޓީން ރުހޭ ކަމެއް ނޫން ކަމަށާއި އެ ޕާޓީން އެ ފުރުސަތެއް ނުދޭނެ ކަމަށް ވިދާޅުވެފައެވެ.

މި ޖަލްސާގައި ވާހަކަ ދައްކަވަމުން ދުންޔާ ވިދާޅުވީ، ރައްޔިތުން މިވަނީ މިއިން ދުވަހަކު ނުވާ ވަރަށް ފަގީރުވެފައި ކަމަށާއި ރާއްޖޭގެ އާމްދާނީން ބޮލަކަށް ޖެހޭ މިންވަރު މިހާރު ވަނީ 2015 ވަނަ އަހަރު ހުރި ވަރަށް ވެއްޓިފައި ކަމަށެވެ. ދުންޔާ ވަނީ މިހާރުގެ ސަރުކާރަށް ވަރަށް ބޮޑަށް ފާޑުވިދާޅުވެފައެވެ.