މާލެއާއި ހއ ގެ ރައްތަކާއި ދެމެދު ދަތުރުކުރާ ހއ. ކެލާއަށް ނިސްބަތްވާ ސަވާރީ ބޯޓު، އެ އަތޮޅު ނޮޅިވަރަަންފަރު ފަރަށް އަރާ މުދުލާއި އެކު އަޑިއަށް ހިނގައްޖެއެވެ.
އިއްޔެ ހަވީރު މި ހިނގި މިހާދިސާގައި އެއްވެސް މީހަކަށް އަނިޔާއެއް ވި ކަމުގެ މައުލޫމާތު މިހާތަނަށް ލިބިފައެއް ނުވެއެވެ.
ސަވާރީ ބޯޓު ނޮޅިވަރަންފަރު ފަރަށް އަރާ އަޑިޔަށްދިޔުމާއި ގުޅިގެން އެ ބޯޓަށް އެހީތެރިވުމަށްޓަކައި ވީހާވެސް ގިނަ ފަރާތްތަކުން ނޮޅިވަރަންފަރަށް ދިއުމަށް މިރޭ 20:30 އަށް ބަނދަރަށް އައުމަށް ކެލާ ކައުންސިލުންވަނީ މިހާރު ކެލާ ރައްޔިތުންގެ ފަރާތުން އެދިފައެވެ.
މަންޒަރު ދުއް ފަރާތްތަކުން ސޯޝަލްމީޑިއާގައި ބުނެފައިވާ ގޮތުގައި ބޯޓު ފަރަށް އަރާ އަޑިއަށް ދާން ފެށުމުން ބޯޓުގައި ހުރި ބައެއް މުދާ އުކާލުމުންވެސް ބޯޓު ސަލާމަތްވާ ގޮތް ވަނީ ނުވެފައެވެ. އަދި އެހީތެރިވުމަށް އެހެން އުޅަނދުތަކަށް އެ ބޯޓާއި ކައިރި ވުމަށް ދަތިތަކެއް ދިމާވެފައިވާ ކަމަށް މައުލޫމާތު ލިބެއެވެ.
ނި ހާދިސާ އާއި ގުޅިގެން އެމްއެންޑީއެފުން ބުނީ، ހދ.ނޮޅިވަރަންފަރު ނެރުމައްޗަށް "ސަވާރީ" ނަމަކަށް ކިޔާ މުދާއުފުލާ ދޯންޏެއް އަރައިގެން، އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަންގެ ސިފައިން ރޭ 19:34 ހާއިރު އެ ސަރަހައްދަށް ގޮސް ހަރަކާތްތެރިވާން ފަށާފައިވާކަމަށެވެ. އަދި އެ ހާދިސާގެ ރިޕޯރޓް ލިބިފައިވަނީ ރޭ 18:30 ހާއިރު ކަމަށްވެސް ބުންޏެވެ.
Advertisement
This content is created and paid for by advertisers and does not involve Voice Journalists
