ޔޫރަޕާ ލީގުގައި އިނގިރޭސި ޓީމު މެންޗެސްޓާ ޔުނައިޓެޑުން ކުޅުނު ފުރަތަމަ މެޗުން އެ ޓީމު ބަލިވެ ޕްރެޝަރަށް ވެއްޓިއްޖެއެވެ.
ޔުނައިޓެޑުގެ ދަނޑުގައި ސްޕެއިންގެ ރެއާލް ސޮސިޑާޑް އާއި ދެކޮޅަށް ކުޅުނު މި މެޗުން ޔުނައިޓެޑު ބަލިވެފައިވަނީ 0-1 ގެ ނަތީޖާއަކުންނެވެ.
މި މެޗުގެ ފުރަތަމަ ހާފުގައި ޔުނައިޓެޑުން ވަނީ ރަނގަޅު ކުޅުމެއް ދައްކާ ގިނަ ފުރުސަތުތަކެއް އުފައްދާފައެވެ. ނަމަވެސް ލިބުނު ފުރުސަތު ތަކުގެ ބޭނުން ނުހިފި މެޗުގެ ފުރަތަމަ ހާފު ނިމިފައިވަނީ 0-0 އިން ދެ ޓީމު އެއްވަރުވެގެން އޮވެގެންނެވެ.
މެޗުގެ ދެވަނަ ހާފުގައި ސޮސިޑާޑްއިން ކުޅުން ރަނގަޅުކޮށް ގިނަ ފުރުސަތު ތަކެއް ވަނީ ހޮދާފައެވެ. އަދި މެޗުގެ 59 ވަނަ މިނަޓުގައި ލިބުނު ޕެނަލްޓީއަކުން އެ ޓީމަށް ލީޑު ނަގައިދިނީ ބްރެއިސް މެންޑެޒް އެވެ.
މެޗުގެ ފަހު 20 މިނަޓު ޔުނައިޓެޑުން ކުޅުން ރަނގަޅު ކުރިނަމަވެސް ލިބުނު ފުރުސަތުތަކުގެ ބޭނުން ހިފޭ ގޮތް ވަނީ ނުވެފައެވެ.
މި ގްރޫޕުގައި ދެން ހިމެނޭ ދެ ޓީމު ކަމަށްވާ ޝެރިފާއި އެމޯނިއާ ބައްދަލުކުރި މެޗު ޝެރިފް އިން ކާމިޔާބުކޮށްފައިވަނީ 0-3 ގެ ނަތީޖާއަކުންނެވެ. މިއާއި އެކު އެ ޓީމު ތާވަލުގެ އެއްވަނައިގައި އޮތް އިރު ދެވަނައިގައި އޮތީ ސޮސިޑާޑް އެވެ. ޔުނައިޓެޑު ތިންވަނައިގައި އޮތް އިރު ފުލުގައި އޮތީ އެމޯނިއާ އެވެ.
Advertisement
This content is created and paid for by advertisers and does not involve Voice Journalists
