ޔޫރަޕާ ލީގުގައި އިނގިރޭސި ޓީމު އާސެނަލް އިން ފުރަތަމަ މެޗު ކާމިޔާބުކޮށްފިއެވެ.
ސްވިޒަލޭންޑުގެ ޒިއުރިކާއި ދެކޮޅަށް އެ ޓީމުގެ ދަނޑުގައި ކުޅުނު މެޗު އާސެނަލްއިން ކާމިޔާބުކޮށްފައިވަނީ 1-2 ގެ ނަތީޖާއަކުންނެވެ.
މި މެޗު ފެށުމުގެ ކުރިން އިނގިރޭސި ރާނީ އެލިޒަބަތު ދެވަނަ، އަވަހާރަވުމާއި ގުޅިގެން ހަމަހިމޭންކަމުގެ އެއް މިނަޓުގެ ސުކޫތެއް ގެނެސްފައެވެ.
މެޗުގައި ފުރަތަމަ ގޯލުޖަހާ ލީޑު ނެގީވެސް އާސެނަލްއިންނެވެ. އެ ޓީމުން މެޗުގެ ފެށުން ރަނގަޅުކޮށްފައިވާއިރު މެޗުގެ 16 ވަނަ މިނަޓުގައި މި ގޯލު އާސެނަލްއަށް ކާމިޔާބު ކޮށްދީފައިވަނީ މާކިނޮސް އެވެ. މިއީ މިސީޒަނަށް އެޓީމާއި ގުޅުމަށްފަހު އެނާ ފުރަތަމަ 11 ގައި ހިމެނިގެން ކުޅުނު ފުރަތަމަ މެޗެވެ.
ފުރަތަމަ ހާފުގެ ފަހު މިނެޓުގައި ލިބުނު ޕެނަލްޓީއަކުން ޒިއުރިކަށް ނަތީޖާ އެއްވަރު ކޮށްދީފައިވަނީ ކްރިޒީއެވެ.
ނަމަވެސް ދެވަނަ ހާފުވެސް ފެށީ ވަރުގަދަ ކޮށެވެ. އެގޮތުން އާސެނަލް އަށް ދެވަނަ ފަހަރަށް ލީޑު ނަގައިދިނީ މެޗުގެ 62 މިނަޓުގައި އެންކެއިޓާއެވެ.
މި ނަތީޖާއާއި އެކު ތާވަލުގެ އެއްވަނައިގައި އޮތީ އާސެނަލް އެވެ. މި ގްރޫޕުގައި ދެން ހިމެނޭ ޕީއެސްވީ އަދި ގްލިމް ކުޅުނު މެޗު ވަނީ 1-1 ގެ ނަތީޖާއަކުން އެއްވަރުވެފައެވެ. އެ ގުރޫޕުގެ ތާވަލުގެ ފުލުގައި އޮތީ އާސެނަލް އަތުން ބަލިވި ޒިއުރިކެވެ.
Advertisement
This content is created and paid for by advertisers and does not involve Voice Journalists
