އިންޑިއާ އަކީ ދިވެހިރާއްޖެއަށް ކުރިމަތިވާ އެންމެ ދަތި ވަގުތުތަކުގައި ވެސް ރާއްޖެއަށް އެހީތެރިވަމުން އަންނަ އެންމެ ގާތް އެކުވެރިޔާ އަދި ބައިވެރިޔާ ކަމަށް ދިވެހިރާއްޖޭގެ ފޮރިން މިނިސްޓަރ ޝާހިދު ވިދާޅުވެއްޖެއެވެ.
އދ.ގައި އޮތް އިންޑިއާގެ ރަސްމީ ބައްދަލުވުމެއްގައި ބައިވެރިވެ ވަޑައިގެން ހިންދީ ބަހުން ވާހަކަފުޅު ފައްޓަވަމުން ޝާހިދު ވިދާޅުވީ، އިންޑިއާގެ 75 ވަނަ މިނިވަން ދުވަހާއި ގުޅިގެންނާއި އަދި އދ.ގައި އިންޑިއާ އިން ކުރަމުން އަންނަ ބިނާކުރުވަނިވި މަސައްކަތްތަކަށް ދިވެހިރާއްޖެއިށް އިންޑިއާއަށް މަރުހަބާ ދަންނަވާ ކަމަށެވެ.
މިއާއެކު ޝާހިދު ވިދާޅުވީ، ދީވެހިރާއްޖޭގެ ތަރައްގީ އަށް ކުރެވޭ މުހިއްމު މަސައްކަތް ތަކުގައި އިންޑިއާ އަކީ މުހިއްމު ބައިވެރިއެއް ކަމަށް އަބަދުވެސް ރާއްޖެއިން ދޭކަމަށެވެ. އަދި މިހާތަނަށް ކުރެވުނު ތަޖުރިބާއިންވެސް އިންޑިއާ އަކީ އަބަދުވެސް ދިވެހިރާއްޖެއަށް ނުހަނު ބޮޑެތި އެހީތަކެއް ވެފައިވާ ގައުމެއް ކަމަށް ޝާހިދު ވިދާޅުވިއެވެ.
އެގޮތުން ރާއްޖެއަށް ކުރިމަތިވެފައިވާ އެކި އެކި ކާރިސާތަކާއި، ކޮވިޑް-19 ގެ ޢާލަމީ ވަބާ މުޅި ދުނިޔެއަށާއި އެގައުމަށްވެސް ކުރިމަތިވެ، އެ ގައުމަށްވެސް ގިނަ ގޮންޖެހުންތަކެއް ކުރިމަތިވެފައިވީ ދަނޑިވަޅެއްގައި، އިންޑިއާ އިން ރާއްޖެއަށް ވެދިން އެހީތެރިކަމާއި ވެކްސިން ފޯރުކޮށްދިނުމުގައި އިންޑިއާ އިން ރާއްޖެއަށް ދިން އިސްކަން ފާހަގަ ކުރައްވާ އެކަމަށް ޝާހިދު ވަނީ ޝުކުރު އަދާކުރައްވާފައެވެ. އަދި ކޮވިޑުން އަރައިގަންނެ އިޤުތިސޯދު ކުރިއެރުވުމަށް އިންޑިއާ އިން ރާއްޖެއަށް ވެދެމުން އަންނަ އެހީތެރިކަން ފާހަގަކޮށް އެކަމަށް ވެސް ޝާހިދު ޝުކުރު އަދާކުރެއްވިއެވެ.
"ދިވެހިރާއްޖެ އަށް ކުރިމަތިވާ އެންމެހައި ޖޮންޖެހުންތަކުން އަރައިގަތުމަށް ރާއްޖެ މަސައްކަތް ކުރަމުންދާނީ، ރާއްޖޭގެ އަވަށްޓެރި، ގާތް ބައިވެރިޔާ އަދި ގާތް ރަހުމަތްތެރިޔާ، [އިންޑިއާ] އާއި އެކުގައި." ޝާހިދު ވިދާޅުވިއެވެ.
ޝާހިދު ވާހަކަފުޅުގައި އޭނާ ވަނީ ރާއްޖެއަށާއި، ދުނިޔޭގެ އެކިއެކި ގައުމުތަކަށް، ތިމާވެށީގެ ގޮތުންނާއި އެނޫންވެސް ގޮތް ގޮތުން އިންޑިއާ ވެދެމުން އަންނަ އެހީތައް ފާހަގަކޮށް، އެކަމަށް ވަރަށް ބޮޑަށް ތައުރީފް ކުރައްވާފައެވެ. އަދި އޭނާގެ ވާހަކަފުޅު ނިންމަވާލެއްވީވެސް މިނިވަންކަމާއި ގުޅޭގޮތުން އިންޑިއާ މީހުން ބުނެއުޅޭ ހަރުބަހަކުންނެވެ.
Advertisement
This content is created and paid for by advertisers and does not involve Voice Journalists
