ދިވެހި ރުފިޔާގެ 50ރ. ނޫޓް މަދުވުމާ ގުޅިގެން އެ ނޫޓް އަލުން ޗާޕްކޮށްގެން ގެނެސް ބޭނުންކުރަން ތައްޔާރުވެއްޖެ އެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނީ އެ ނޫޓުތައް ޗާޕްކޮށްގެން ގެނައީ އިއްޔެ ކަމަށެވެ. އަދި އެ ނޫޓްތައް މިހާރު ހުރީ ދައުލަތުގެ ހަޒާނާގައި ރައްކާކޮށްފައި ކަމަށް އެމްއެމްއޭއިން ބުނެއެވެ.

މިހާރު ބޭނުންކުރަމުން އަންނަ 50ރ. ގެ ނޫޓަކީ ރާއްޖޭގައި ފައިސާ ޕޮލިމާ ނޫޓަށް ބަދަލުކޮށް 2016 ގައި "ރަންދިހަ ފަހެއް" ގެ ނަމުގައި ތައާރަފުކުރި ނޫޓް ސީރީޒްގައި ހިމެނޭ ނޫޓެކެވެ.

މިނިވަން ކަމަށް 50 އަހަރު ފުރުމާ ގުޅުވައިގެން "ރަންދިހަ ފަހެއް" ގެ ނަން ދީގެން ނެރުނު ސީރީސްގައި ތަފާތު ކުލަތައް ހިމެނޭ ގޮތަށް 10ރ. އާއި 20ރ. އާއި 50ރ. އާއި 100ރ. އާއި 500ރ. އަދި އަލަށް ތައާރަފުކުރި 1000 ރުފިޔާގެ ނޫޓު ހިމެނެއެވެ.

3