މަޝްހޫރު ދީނީ ޢިލްމުވެރިއެއް ކަމަށްވާ މުފްތީ މެންކް، އަންނަ އޮކްޓޯބަރު މަހުގެ ފަހުކޮޅުގައި ރާއްޖެ ވަޑައިގެންނެވުމަށް ހަމަޖެހިފައިވާ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން މިއަދު ބުނީ، އެ މިނިސްޓްރީގެ ދަޢުވަތަކަށް އޮކްޓޫބަރު 28-31 މުފްތީ މެންކު ރާއްޖެއަށް ދަތުރުފުޅެއް ކުރެއްވުމަށް ހަމަޖެހިފައިވާ ކަމަށެވެ. އަދި މި ދަތުރު ފުޅުގައި މާލެ، ފުވައްމުލައް އަދި އައްޑޫ ސިޓީގައި ސިޓީގައި ދީނީ ތަޤްރީރު ކުރައްވާނެ ކަމަށް ވެސް އެ މިނިސްޓްރީން ބުނެފައިވެއެވެ.
މީގެ ކުރިންވެސް އެކި ފަހަރު މަތިން މުފްތީ މެންކް ރާއްޖެ ވަޑައިގެންފައިވާއިރު، އޭނާ އެންމެ ފަހުން ރާއްޖެއަށް ކުރެއްވި ދަތުރުފުޅުގައިވެސް، މާލެއާއި އައްޑޫ ސިޓީ އަދި ކުޅުއްދުއްފުށީ ސިޓީގައި ދީނީ ދަރުސްވަނީ ދެއްވާފައެވެ. އަދި ޒުވާނުންނަށާއި ދީނީ ޢިލްމުވެރިންނަށް ޚާއްސަ ދީނީ ޕްރޮގްރާމްތަކެއްވެސް ވަނީ ކުރިއަށް ގެންގޮސްފައެވެ.
މުފްތީ މެންކް އަކީ ޒިމްބާބުވޭގެ އިސްލާމިކް ކައުންސިލްގެ ފަތުވާ ޑިޕާޓްމެންޓުގެ އިސްވެރިއާއެވެ. އަދި ޒިމްބާބުވޭގެ ހަރާރީގެ މަސްޖިދުލް ފަލާހުގެ އިމާމުކަންވެސް ކުރައްވާ މުފްތީ ވަނީ ދުނިޔޭގެ އެކި ގައުމުތަކުގައި ދީނީ ދަރުސް ދެއްވާފައެވެ.
Advertisement
This content is created and paid for by advertisers and does not involve Voice Journalists
