ގދ. މަޑަވެލީ ޓީއެސް ދޯނިން އިއްޔެ 57.152 ޓަނުގެ މަސް ކިރާ އެއް ދުވަހުގެ ތެރޭގައި އެންމެ ގިނަ މަސް ބޭނުމުގެ ރެކޯޑް އާ ކޮށްފިއެވެ.

މޯލްޑިވްސް ފިޝަރީޒް ކޮމްޕެނީ ލިމިޓެޑް (މިފްކޯ)ގެ ސީއީއޯ އިސްމާއީލް ފައުޒީ ކުރެއްވި ޓްވީޓެއްގައި ދެކުނުގެ މޫސުން އެންމެ ރަގަޅަށް ތަން ނުދިންކަމުގައިވިޔަސް އިއްޔެ މަހަށް ނިކުތް ޓީއެސް ލައިން ދޯނިން ވަނީ 57.152 ޓަނު މަސް ކޫއްޑޫއަށްކިރުވައި، އެއްދުވަހެއްގެ ދޮށީގެ މަސްވެެރިކަމުގެ ރިކޯޑެއް ހަދާފައި ކަމަށެވެ.

އެ ދޯނިން ކިރި މަަހަށް ވަނީ 971،584 ރުފިޔާ ލިބިފައެވެ. އެކަމާއި ގުޅިގެން ފައުޒީ ވަނީ ދޯނީގެ ފަޅުވެރިންނާއި ކެޔޮޅު ކުރި ހިތްވަރަށް ތައުރީފް ކޮށްފައެވެ.

Advertisement

ފައުޒީ އިތުރަށް ވިދާޅުވީ އެ ދޯންޏަކީ މިދިޔަ އަހަރުވެސް އެންމެ ގިނަ އަދަދަކަށް މިފްކޯއަށް މަސްކިރި ދޯނި ކަމަށާއި އެގޮތުން މިދިޔަ އަހަރު އެ ދޯނިން 1095.805 ޓަނުގެ މަސް މިފްކޯއަށް ކިރާފައިވާ ކަމަށެވެ.

ޓީއެސް ލައިން ދޯނިން އިއްޔެ މިފްކޯއަށް 57 ޓަނަށްވުރެ ގިނަ މަސް ކިރާފައިވާއިރު، މިިދިޔަ އަހަރުގެ ޑިސެމްބަރު މަހުގައި 49.9 ޓަނު ކޫއްޑޫއަށް ކިރުވާފައެވެ.