ދަނޑުވެރިކަމުގެ ވިޔަފާރި އިތުރަށް ފުޅާކުރުމަށް އއ.ތޮއްޑޫގައި ތަމްރީން ޕްރޮގްރާމެއް ކުރިއަށް ގެންދަން ބިޒްނަސް ސެންޓަރ ކޯޕަރޭޝަން ލިމިޓެޑުން ނިންމައިފިއެވެ.
މި މަސައްކަތް ކޮށްދިނުމަށް ޝައުޤުވެރިވެލައްވާ ފަރާތްތަކަށް މަޢުލޫމާތު ދިނުން އަންނަ މަހުގެ 09 ވަނަ ދުވަހު ބޭއްވުމަށް ވަނީ ތާވަލް ކޮށްފައެވެ. އަދި ބިޑް ހުށަހެޅުން އަންނަ މަހުގެ 13 ވަނަ ދުވަހު އޮންނާނެ ކަމަށް ވެސް ބިޒްނަސް ސެންޓަރ ކޯޕަރޭޝަނުން ބުނެއެވެ.
އެ ކޯޕަރޭޝަނުން ކުރި އިއުލާނެއްގައި ބުނީ ދަނޑުވެރިކަމުގެ ވިޔަފާރިކުރާ ފަރާތްތަކަށް ބޭނުންވާ ވިޔަފާރީގެ އެހީތެރިކަން ފޯރުކޮށްދިނުމަށާއި މި ވިޔަފާރި އިތުރަށް ފުޅާކުރުމަށް ބިޒްނަސް ސެންޓަރ ކޯޕަރޭޝަނުން ތޮއްޑޫގައި ކުރިއަށް ގެންދިޔުމަށް ހަމަޖެހިފައިވާ ފާމް ޓު ޕްލޭޓް އިންކިއުބޭޝަން ޕްރޮގްރާމް ގެ އޮޕަރޭޝަނަލް ފްރޭމްވޯކް، ތައްޔާރުކޮށްދޭނެ ފަރާތެއް ހޯދަން ބޭނުންވާ ކަމަށެވެ.
އެ ކޯޕަރޭޝަނުން ބުނީ މި މަސައްކަތް ކޮށްދިނުމަށް ޝައުޤުވެރިވެލައްވާ ފަރާތްތަކަށް މަޢުލޫމާތު ދިނުން އަންނަ މަހުގެ 09 ވަނަ ދުވަހު ބޭއްވުމަށް ތާވަލުކޮށްފައިވާ ކަމަށެވެ. އަދި ބިޑް ހުށަހެޅުން އަންނަ މަހުގެ 13 ވަނަ ދުވަހު އޮންނާނެ ކަމަށްވެސް އެކޯޕަރޭޝަނުން ބުނެއެވެ.
ދަނޑުވެރިންނަށް ވިޔަފާރި ފުޅާކުރާނެ ގޮތް ދަސްކޮށްދޭން ތޮއްޑޫގައި ތަމްރީން ޕްރޮގްރާމެއް ކުރިއަށް ހަމަޖެހިފައިވާއިރު، ތޮއްޑޫއަކީ ދަނޑުވެރިކަން ރާއްޖޭގައި އެންމެ ފުޅާ ދާއިރާއެއްގައި ކުރަމުންދާ ރަށްކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
