މިޔަންމާގެ އިންތިޚާބީ ލީޑަރު އަންގް ސަން ސޫކީގެ އެޑްވައިޒަަރުގެ މަގާމުގައި ހުންނެވި އޮސްޓްރޭލިއާގެ ޕްރޮފެސަރ ޝޯން ޓާނެލް މިޔަންމާގައި ތިން އަހަރަށް ޖަލަށްލާން ހުކުމްކޮށްފި އެވެ.

 އެ މައްސަލައިގައި ޝަރީއަތަށް ފަހު ސޫ ކީ އާއި ޓާނެލްއަށް ހުކުމް ކުރީ މިދިޔަ ބުރާސްފަތި ދުވަހު އެވެ. 

މިޔަންމާގެ އިންތިޚާބީ ލީޑަރު އަންގް ސަން ސޫޗީގެ މައްޗަށް އެގައުމުގެ ރަސްމީ ސިއްރުތަކާ ޚިލާފްވިކަމުގެ ކުށް ސާބިތުވާ ކަމަށް އެގައުމުގެ ކޯޓަކުންވެސް ވަނީ ހުކުމްކޮށްފައެވެ. 

Advertisement

ސޫ ކީ އާއި ޓާނެލްއަށް ވެސް އިއްވީ ތިން އަހަރުގެ ޖަލު ހުކުމެކެވެ. މީގެ ކުރިން އެކި ޝަރީއަތްތަކުގައި ސޫ ކީއަށް 20 އަހަރަށް ވުރެ ދިގު މުއްދަަތެއްގެ ޖަލު ހުކުމް އިއްވާފައިވާއިރު އެކަމަނާއާ ދެކޮޅަށް އުފުލާފައިވާ ދައުވާއެއް ސާބިތުވެއްޖެ ނަމަ އެއަށްވުރެ ދިގު މުއްދަތެއްގެ ޖަލު ހުކުމެއް އަންނާނެއެވެ.

މިޔަންމާ ގެ އަސްކަރީ ސަރުކާރުން ނުހައްގުން އޭނާ ހިފަހައްޓާފައިވާތާ 19 މަހަށް ވުރެ ގިނަ ދުވަސް ވެފައިވާއިރު، ޕްރޮފެސާ ޓާނެލްގެ މައްޗަށް އޮސްޓްރޭލިއާ ސަރުކާރުން އުފުލި ދައުވާތަކަށް އޮސްޓްރޭލިއާ ސަރުކާރުން ދަނީ ކެނޑިނޭޅި ދެކޮޅު ހަދަމުންނެވެ

އެމީހުންގެ މައްޗަށް ތުހުމަތު ކުރެވޭ ކުށްތަކުގެ ސީދާ ތަފްސީލެއް އާންމު ކޮށްފައި ނުވާއިރު، ދައުލަތުގެ ޓީވީން މިދިޔަ އަހަރު ބުނެފައި ވަނީ ތުރްނެލް އަށް "ދައުލަތުގެ ސިއްރު މާލީ މައުލޫމާތު" ލިބެން ހުރި ކަމަށާއި އޭނާ ގައުމުން ބޭރަށް ފިލަން މަސައްކަތް ކޮށްފައިވާ ކަމަށެވެ. އެ މައްސަލާގައި އެކަމަނާގެ އިގްތިސޯދީ ޓީމުގެ އެހެން ބައެއް ބޭފުޅުންގެ މައްޗަށް ވެސް ދައުވާ އުފުލި އެވެ.