ޓީޗަރުންގެ ހައްގުތައް ފުރިހަމަ އަށް ހޯދައިދިނުމަށް މަސައްކަތް ކުރުމަކީ މި ގައުމުގެ މިއަދާއި މުސްތަގުބަލަށް މުސްތަގުބަލަށް ވަރަށް މުހިންމު ކަމެއް ކަަމަށް މާލެސިޓީ ކައުންސިލްގެ މޭޔަރު ޑރ މުހައްމަދު މުއިއްޒު ވިދާޅުވެއްޖެއެވެ.
ބައިނަލްއަގުވާމީ ޓީޗަރުންގެ ދުވަހުގެ މުނާސަބާގައި ޑރ. މުއިއްޒު ކުރެއްވި ޓްވީޓެއްގައި ވިދާޅުވީ، ގައުމެއް ބިނާ ކުރުމުގައި އެންމެ މުހިންމު އެއް ދައުރު އަދާކުރާ ފަރާތްތަކަކީ ޓީޗަރުންކަމީ އެއްވެސް ޝައްކެއްނެތް ކަމެއް ކަމަށެވެ.
ވުމާއެކު، ޓީޗަރުންގެ ހައްގުތައް ފުރިހަމައަށް ހޯދައިދިނުމުގައި ސަރުކާރާއި އެންމެހައި ފަރާތްތަކުން މަސައްކަތް ކުރުމަކީ ގައުމުގެ މިއަދާއި މުސްތަގުބަލަށް ނުހަނު މުހިންމު ކަމެއް ކަންވެސް މުޢިއްޒު ފާހަގަކުރެއްވިއެވެ.
ކޮންމެ އަހަރަކު ވެސް ޓީޗަރުންގެ ދުވަހުގެ ގޮތުގައި ފާހަގަކުރަނީ އޮކްޓޯބަރު މަހުގެ 5 ވަނަ ދުވަހެވެ. މިއަހަރުގެ މުދައްރިސުންގެ ދުވަހުގެ، ޝިޢާރަކީ، "ތަޢުލީމުގެ ގޮތްތަކާއި ސިފަ ބަދަލުކުރަން ފަށަނީ މުދައްރިސުންނާ ހަމައިން" މި ޝިޢާރެވެ.
Advertisement
This content is created and paid for by advertisers and does not involve Voice Journalists
