މިދިޔަ ބުރާސްފަތި ދުވަހު މާލެއިން ފުރައިގެން ދަތުރުކުރި ލޯންޗެއް ބަންޑުން ޖަހާލި ހާދިސާގައި ސަލާމަތްވި މީހާ އަށް އިތުރު ފަރުވާ ދިނުމަށް މާލެ ގެނެސްފިއެވެ.
ފުލުހުން ބުނީ އޮކްޓޯބަރ 6 ވަނަދުވަހުގެ 13:00 ހާއިރު މާލެއިން ފުރައިގެން އުކުޅަހަށް ދަތުރުކުރި ލޯންޗެއްގެ ޚަބަރެއް ނުވެގެން އޮކްޓޯބަރ 6 ވަނަ ދުވަހުގެ 20:50 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ. އަދި އެމީހާ ރައްޓެއްސަކާ އެކުގައި ލޯންޗެއްގައި މާލެއިން ފުރި ކަމަށް ބެލެވޭ ކަމަށް އާއިލާއިން ފުލުހުންނަށް މައުލޫމާތު ދީފައިވާ ކަމަށްވެސް ފުލުހުން ބުންޏެވެ.
ބަންޑުން ޖަހާލި ލޯންޗުގައި ދެ މީހަކު ދަތުރު ކުރި އިރު އޭގެ ތެރެއިން އެކަކު އއ. ފެރިދޫ އަށް އަރައިގެން ވަނީ ސަލާމަތްވެފައެވެ. އޭނާ އަށް އެންމެ ފެރިދޫ ސިއްހީ މަރުކަޒުން ފަރުވާ ދިނުމަށްފަހު އިތުރު ފަރުވާއަށް މިހާރު ވަނީ މާލެ ގެނެސްފައެވެ.
ފުލުހުން ވިދާޅުވީ ފެރިދޫ ފުށްޓަރު ފަރާތުން ފެނުނު ޒުވާނާ އާއިލާގެ އެދުމުގެ މަތިން ރޭގެ ވަގުތެއްގައި ފަރުވާއަށް މާލެ ގެނެސްދީފައިވާ ކަމަށެވެ. އޭނާއަށް މިހާރު ފަރުވާ ދެމުންދަނީ އައިޖީއެމްއެޗްގައި ކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
