ވެނެޒުއެލާގައި ހިނގި ބިންގަނޑު ކަނޑައިގެން ދިޔުމުގެ ހާދިސާއެއްގައި މަރުވި މީހުންގެ އަދަދު 36 އަރާފައިވާ ކަމަށް ރިޕޯޓުތައް ބުނެފިއެވެ.
ބޯކޮށް ވާރޭ ވެހުމާ ގުޅިގެން ހިނގި މި ހާދިސާ ހިނގާފައި ވަނީ އެ ޤައުމުގެ މެދުތެރޭގައި އޮންނަ ރަށެއް ކަމުގައިވާ ލަސް ޓެހޭރިޔާސްގައެވެ.
ބިންގަނޑު ކަނޑައިގެން ދިޔުމާއި ކޯރުތައް ބަންޑުންވުމާ ގުޅިގެން އެ ރަށަށް ވަނީ ވަރަށް ބޮޑެތި ގެއްލުންތައް ލިބިފައިވާއިރު، ގިނަ ޢަދަދެއްގެ ދުއްވާ އުޅަނދެއް ވަނީ ހަލާކުވެފައެވެ.
މި ހާދިސާގައި 317 ގެއެއް މުޅިން ހަލާކުވެފައިވާއިރު 757 ގެއަކަށް ގެއްލުންވެފައިވާ ކަމުގައި އެ ޤައުމުގެ އޮފިޝަލުން ބުނެއެވެ. އަދި، ބޮޑު ބަޔަކުން ކަރަންޓާއި ފެނުގެ ޚިދުމަތް ވަނީ ކެނޑިފައެވެ.
ބޯކޮށް ވާރޭ ވެހުމުގެ ސަބަބުން އެލްޕަޓޯ ކޯރު ވަނީ ބަންޑުން ވެފައެވެ. ވެރިރަށް ކަރާކަސްގެ ހުޅަނގު ދެކުނުން 50 ކިލޯމީޓަރު ދުރުގައި އޮންނަ އެ ސިޓީގެ ބައެއް ސަރަހައްދުތަކުގައި ފެންބޮޑުވެ، ގަސްތަކާއި، ކާރުތަކާއި، ގެދޮރާއި ފިހާރަތަކަށްވެސް ވަނީ ބޮޑެތި ގެއްލުންތަކެއް ލިބިފައެވެ.
ވެނެޒުއޭލާ ސަރުކާރުން ވިދާޅުވާ ގޮތުގައި މިއީ ފާއިތުވި 30 އަހަރުގެ ތެރޭގައި އެ ސަރަހައްދުގައި ހިނގި ފެންބޮޑުމުމުގެ ސަބަބުން ބިންގަނޑު ކަނޑައިގެން ދިޔަ އެންމެ ބޮޑެ ކާރިސާއެވެ.
Advertisement
This content is created and paid for by advertisers and does not involve Voice Journalists
