އއ.މާޅޮސް ކައިރިން ބަންޑުން ޖަހާލާފައި އޮއްވާ ފެނުނު ލޯންޗުން ގެއްލުނު މީހާ ހޯދުމުގެ މަސައްކަތް ހުއްޓާލައިފިއެވެ.
އެމްއެންޑީއެފުން ބުނީ ބަންޑުން ޖަހާލާފައި އޮއްވާފެނުނު ލޯންޗުން ގެއްލުނު މީހާ ހޯދުމަށް ކުރަމުންދާ ސާރޗް އެންޑް ސްކިއު އޮޕަރޭޝަނުގައި އިއްޔެވެސް 300 އަކަ ނޯޓިކަލް މޭލުގެ ސަރަޙައްދު ބަލާފައިވާ ކަމަށެވެ.
އެއިދާރާއިން ބުނީ 4 ދުވަހުގެ ސާރޗް އޮޕަރޭޝަނުގައި ވައިގެ މަގުން 2000 އަކަ ނޯޓިކަލް މޭލު އަދި ކަނޑުމަގުން 665 އަކަ ނޯޓިކަލް މޭލު ގެ ސަރަޙައްދު ބެލިފައިވާ ކަމަށާއި، މިހާރު ސާރޗް އެންޑް ރެސްކިއު އޮޕަރޭޝަން ޓީމުން އެ މަސައްކަތް ހުއްޓާލާފައިވާ ކަމަށެވެ.
ލޯންޗު ބަންޑުން ޖަހާލި ހާދިސާގައި ގެއްލިގެން ހޯދަމުންދަނީ އުމުރުން 28 އަހަރުގެ ސ.ހިތަދޫ، މިންހާ/ މުޙައްމަދު މިންހާޖު އެވެ. އެމްއެންޑީއެފުން ބުނީ އެންމެ ފަހުން އޭނާ ލައިގެން ހުރީ އަޅި ކުލައިގެ އަތް ދިގު ޓީޝާޓަކާއި ނޫކުލައިގެ ޖިންސެއް ކަމަށް މީގެ ކުރިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
