ޑެންގީ ޖެހިގެން ފާރުވާ ކުރަމުން ދިޔަ 21 އަހަރުގެ ޒުވާނަކު މިއަދު ނިޔާވެއްޖެއެވެ.
ޑެންގީ ޖެހިގެން ހާލު ސީރިއަސްވެ، އުނގޫފާރު ރީޖަނަލް ހޮސްޕިޓަލުގައި ފަރުވާދެމުން ދަނިކޮށް ނިޔާވެފައިވަނީ ރ. ދުވާފަރު، އަތޫފް އަހްމަދެވެ.
މައުލޫމާތު ލިބިފައިވާ ގޮތުގައި، އަތޫފް އެންމެ ފުރަތަަމަ ފަރުވާ ހޯދާފައިވަނީ ދުވާފަރު ހޮސްޕިޓަލުން ނެވެ. އެހެން ނަމަވެސް އެފަހަރު ހޮސްޕިޓަލުގައި އެޑްމިޓް ނުކޮށް، ބޭސް ދިނުމަށްފަހު އޭނާ ގެއަށް ފޮނުވާލާފައިވާ އިރު, އިއްޔެ ޑޮކްޓަރަށް ދައްކަން ދިޔައިރު އޭނާގެ ހާލު ވަނީ މާބޮޑަށް ގޯސްވެފައެވެ.
އެއާއެކު، އެއާއެކު އޭނާ ފަރުވާއަށް އުނގޫފާރަށް ފޮނުވާލީއެވެ. ނަމަވެސް އޭނާގެ ހާލު ސީރިއަސްވެ، އުނގޫފާރު ރީޖަނަލް ހޮސްޕިޓަލުގައި ފަރުވާދެމުން ދަނިކޮށް އޭނާ ވަނީ މިއަދު ނިޔާވެފައެވެ.
އަތޫފް އަކީ ދުވާފަރު ކައުންސިލްގެ އެސިސްޓެންޓް ކައުންސިލް އޮފިސަރ ގެ މަގާމު އަދާކުރަމުންދިޔަ ޒުވާނެކެވެ. އޭނާ ނިޔާވުމާއި ގުޅިގެން އެ ކައުންސިލުން ވަނީ ޢާއިލާއަށް ތައުޒިޔާގެ މެސެޖް ފޮނުވާފައެވެ.
ޑެންގީ ޖެހިގެން މިދިޔަ އަންގާރަ ދުވަހު 19 އަހަރުގެ ޒުވާނަކު މަރުވި އިރު އޭގެ ކުރީ ދުވަހު ހަމަ އެ ބަލީގައި އަށް އަހަރުގެ ކުޑަ ކުއްޖަކު މަރުވެފައިވެއެވެ.
Advertisement
This content is created and paid for by advertisers and does not involve Voice Journalists
