ކޮވިޑް-19 އަށް ދޭ ވެސިނެއް ކަމަށްވާ "ފައިޒާ" ވެކްސިން މާކެޓަށް ނެރެފައިވަނީ އެ ވެކްސިނުން ކޮވިޑް ފެތުރުން ހުއްޓުވޭނެތޯ ޓެސްޓް ނުކޮށް ކަމަށް، ފައިޒާގެ އިންޓަނޭޝަނަލް ޑިވެލޮޕްމަންޓް މާކެޓްގެ ރައީސް ޖެނިން ސްމޯލް އެއްބަސްވެއްޖެއެވެ.
ޔޫރަޕިއަން ޔޫނިއަންގެ ކޮވިޑް-19 ރެސްޕޮންސް ބައްދަލުވުމެއްގައި ޔޫރަޕިއަން ޔޫނިއަންގެ މެންބަރ އެއްގެ މަގާމު އަދާ ކުރަމުންދާ ޑަޗް ޕޮލިޓިޝަނެއް ކަމަށްވާ ރޮބާޓް ރޮބް ރޫސް ވަނީ ޖެނިން ސްމޯލް އާއި ފައިޒާ ވެކްސިނާއި ގުޅޭ ގޮތުން ސުވާލު ކުރައްވާފައެވެ.
އެގޮތުން، އޭނާ ވަނީ ފައިޒާ ކޮވިޑް ވެކްސިން މާކެޓަށް ނެރުމުގެ ކުރިން އެއިން ކޮވިޑް-19 ފެތުރުން ހުއްޓުވޭތޯ ޓެސްޓް ކޮށްފައިވޭތޯ ސުވާލު ކޮށްފައެވެ. އަދި ޓެސްޓް ކޮށްފައިވާނަމަ އެކަމާއި ގުޅޭ ލިޔެކިޔުންތައްވެސް ހިއްސާ ކުރުމަށް ރޮބަޓް ވަނީ އެދިފައެވެ.
ރޮބަޓްގެ ސުވާލަށް ޖަވާބު ދެމުން ސްމޯލް ވަނީ އެ ވެކްސިން މާކެޓަށް ނެރުމުގެ ކުރިން އެއިން ބަލިފެތުރުން ހުއްޓުވޭކަން ޓެސްޓް ނުކުރާ ކަމަށް އެއްބަސްވެފައެވެ.
"ފައިޒާ ވެކްސިން މާކެޓަށް އައުމުގެ ކުރިން އެއިން އެހެން މީހުންނަށް ރައްކާތެރިކަން ލިބިދޭތޯ ކުރި ސުވާލުގެ ޖަވާބަށް، ނޫން. މިއީ. އަސްލު. މާކެޓް ގައި ކަންކަން ހިނގަމުންދާ ގޮތް ދެނެގަތުމަށް އަހަރެމެންނަށް ޖެހުނީ ސައިންސްގެ ސްޕީޑް އާއި އެކު ދަތުރު ކުރަން." ރޮބާޓް ގެ ޖަވާބުގައި ސްމޯލް ބުންޏެވެ.
ސްމޯލް ގެ ޖަވާބާއި ގުޅިގެން ވާހަކަ ދައްކަމުން ރޮބަޓް ވަނީ، ކޮވިޑް ވެކްސިން ޕާސްޕޯޓް އަކީ ގާނޫނީ ގޮތުން އެއްވެސް އަސާސެއް ނެތް އެއްޗެއް ކަމަށް ބުނެފައެވެ. އަދި ކޮވިޑް ވެކްސިންތައް ޖަހަނީ އެހެން މީހުންނަށް އެ ބަލި ފެތުރުން ހުއްޓުވުމަށް ކަމަށް ބުނެ، އެހެން މީހުންގެ ރައްކާތެރި ކަމަށްޓަކައިވެސް ވެކްސިން ޖެހުމަށް ޑަޗް ގެ ބޮޑު ވަޒީރު ވިދާޅުވި ވިދާޅުވުމަކީ ބޮޑު އޮޅުވާލުމެއް ކަމަށްވެސް އޭނާ ބުނެފައިވެއެވެ.
Advertisement
This content is created and paid for by advertisers and does not involve Voice Journalists
