ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ސިންގަޕޫރަށް ފުރާވަޑައިގެންފިއެވެ. 

ރައީސް އޮފީހުން މިއަދު ބުނީ، ރައީސް ޞާލިހު ގެ މި ދަތުރު ފުޅަކީ ނުރަސްމީ ދަތުރު ފުޅެއް ކަމަށެވެ. އެ ދަތުރުފުޅާއި ގުޅޭ އިތުރު މައުލޫމާތު އެ އޮފީހުން ދީފައި ނުވެއެވެ. 

މި އަހަރުގެ މީހެ ކުރިން ރައީސް ޞާލިހު ވަނީ ސިންގަޕޫރަށް އެކި ފަހަރު މަތިން ވަޑައިގެންފައެވެ. އެގޮތުން ފެބްރުއަރީ 23ގައި އެމަނިކުފާނު ކުރެއްވި ދަތުރުފުޅުގައި ތައިރޮއިޑްގެ އޮޕަރޭޝަނެއް ވަނީ ކުރައްވާފައެވެ. 

Advertisement

އެގޮތުން ސިންގަޕޫރު ގައި އެމަނުކުފާނު، ތައިރޮއިޑް ސާޖަރީއެއް ކުރެއްވީ ފެބްރުއަރީ މަހުގެ 25 ވަނަ ދުވަހުއެވެ. ތައިރޮއިޑް އޮޕަރޭޝަނެއް ކުރެއްވުމަށް އެމަނިކުފާނުގެ ބާރުތަކާއި މަސްޢޫލިއްޔަތުތައް ކުޑަ ވަގުތުކޮޅަކަށް ރައީސުލްޖުމްހޫރިއްޔާގެ ނާއިބާއި ހަވާލުކުރެއްވިއެވެ. ނަމަވެސް 3 ގަޑިއިރާއި 30 މިނެޓް ފަހުން ރައީސް ވަނީ އަލުން އެމަނިކުފާނުގެ މަސްޢޫލިއްޔަތުތަކާއި ހަވާލުވެވަޑައިގެންފައެވެ.

ދެ ތިން ދުވަހު ހޮސްޕިޓަލްގައި އެޑްމިޓްވެ ފަރުވާ ހޯއްދެވުމަށް ފަހު އެމަނިކުފާނު ހޮސްޕިޓަލުން ދޫކޮށްލެވީ މާރިޗު މަހުގެ ފުރަތަމަ ދުވަހުއެވެ. އަދި އެ ދުވަހު ރައީސް ވަނީ ހާލުކޮޅު ރަނގަޅު ކަމަށް ވިދާޅުވެ ޓްވީޓެއްވެސް ކުރައްވާފައެވެ. އޭގެ ފަހުންވެސް ރައީސް ޞާލިހު ވަނީ ސިންގަޕޫރަށް ވަޑައިގެންފައެވެ.