މަސް ދޯނިފަހަރުގައި ދެ ބިދޭސީންނަށްވުރެ ގިނައިން ގެންގުޅުމާމެދު، މަސްވެރިންގެ ޚިޔާލު ހޯދައިފިއެވެ.
މަސްވެރިންނާއެކު އިއްޔެ ބޭއްވި މި ބައްދަލުކުރެއްވުން އޮތީ އިކޮނިމިކް މިނިސްޓްރީގައެވެ. މި ބައްދަލުކުރެއްވުމުގައި އިކޮނޮމިކް މިނިސްޓަރ ފައްޔާޒް އިސްމާއީލް ވަނީ ބައިވެރިވެވަޑައިގެންފައެވެ.
ދެބިދޭސީންނަށްވުރެ އިތުރަށް މަސްދޯންޏެއްގައި ގެންގުޅުމަށް ޚިޔާލު ހޯދާފައިވާއިރު، ބައެއް މަސްވެރިން ވަނީ ދެބިދޭސީންނަށްވުރެ އިތުރަށް މަސްދޯންޏެއްގައި ބެހެއްޓުމަށް ބުނެފައިވާއިރު، ބައެއް މަސްވެރިން ވަނީ އެކަމާ ދެކޮޅަށް ޚިޔާލު ބަދަލުކޮށްފައެވެ.
ގިނަ ބިދޭސީން ގެންގުޅެވޭގޮތް ހަދަން ފެންނަ ކަމަށް ބުނި މަސްވެރިން ސަބަބެއް ކަމަށް ފާހަގަކުރެއްވީ ދިވެހި ޒުވާނުން މަސްވެރިކަމުގެ ދާއިރާއާ ދުރަށްގޮސް، މަސްދޯނިފަހަރުގައި މަސައްކަތް ކުރާނެ ދިވެހިން ނުލިބޭތީ، ދޯނިތައް ދުއްވަން ބޭނުން ނަމަ ބިދޭސީން ނުލައި އެކަން ނުވާނެތީ ކަމަށެވެ.
މަސްދޯނިތަކުގައި ބިދޭސީން ހަރަކާތްތެރިވުމާ ދެކޮޅަށް ރާއްޖޭގެ ޒުވާން މަސްވެރިޔާވެސް ވަނީ ވާހަކަ ދައްކާފައެވެ.
އޭނާ ބުނީ ދިވެހިން ނުލިބި، ދޯނިތަކަށް ބިދޭސީން ގިނައިން ނަގަން ޖެހޭ ހިސާބަށް މި ސިނާއަތް ދިޔައީ، މި ސިނާއަތަށް އެއްވެސް ބަޔަކު އަޅާނުލާތީކަމަށެވެ.
އެގޮތުން ސަރުކާރާއި އޮޑިވެރިންވެސް، ޒުވާނުން އުފެއްދުމަށް އެދެވޭ މަސައްކަތްތަކެއް ނުކުރާކަން ފާހަގަކުރިއެވެ.
Advertisement
This content is created and paid for by advertisers and does not involve Voice Journalists
