މާފަރު އިންޓަނޭޝަނަލް އެއާޕޯޓުގެ ދެވަނަ ފިޔަވަހީގެ އަމަލީ މަސައްކަތް ވަރަށް އަވަހަށް ފަށާނެ ކަމުގެ ޔަގީންކަން އަބޫދާބީ ފަންޑް ފޯ ޑިވެވެލޮޕްމަންޓް (އޭޑީއެފްޑީ) އިން އިއްޔެ ދީފި އެވެ.
އޭޑީއެފްޑީން އެހެން ބުނެފައި ވަނީ ފޮރިން މިނިސްޓަރު ޝާހިދު ޔުއޭއީއަށް ކުރައްވަމުންދާ ރަސްމީ ދަތުރުފުޅުގައި އެ ފަންޑުގެ ޑިރެކްޓަ ޖެނެރަލް މުހައްމަދު ސާއިފް އަލް ސުވައިދީއާ ބައްދަލުކުރައްވައި ދެއްކެވި ވާހަކަފުޅުތެރެއިން ނެވެ.
އެ ބައްދަލުވުމުގައި ވަނީ އޭޑީއެފްޑީއިން ރާއްޖޭގައި ކުރިއަށްގެންދާ މަޝްރޫއުތަކާއި ގުޅޭގޮތުން މަޝްވަރާ ކުރައްވާފައެވެ. އެ މަޝްވަރާގެ ތެރެއިން ސާއިފް އަލް ސުވައިދީ ވަނީ މާފަރު އެއާޕޯޓްގެ ދެވަނަ ފިޔަވަހީގެ އަމަލީ މަސައްކަތް ވަރަށް އަވަހަށް ފެށިގެންދާނެ ކަމަށް ވިދާޅުވެފައެވެ.
މި ބައްދަލުކުރެއްވުމުގެ ތެރެއިން އޭޑީއެފްޑީން ރާއްޖޭގެ ތަރައްގީ އަށް މިހާތަނަށް ވެފައިވާ އެހީތަކަށް ޝާހިދު ވަނީ ޝުކުރު އަދާކުރައްވާފައެވެ.
މާފަރު އެއާޕޯޓަކީ އަބޫދާބީ ފަންޑުގެ 60 މިލިއަން ޑޮލަރުގެ އެހީގެ ގޮތުގައި ހަދާފައިވާ ތަނެކެވެ. އަބޫދާބީ ފަންޑުގެ އެހީގައި ތަރައްގީކޮށްފައިވާ މާފަރު އެއާޕޯޓަކީ އެއާބަސް އޭ320 އަދި ބޮއިންގް 737ޖެއްސޭ ފެންވަރަށް ތަރައްގީކޮށްފައިވާ އެއާޕޯޓެކެވެ.
Advertisement
This content is created and paid for by advertisers and does not involve Voice Journalists
