މި ސަރުކާރުން ވޭވަށުގައި ހިންގާ މަޝްރޫއުތައް ފެނި ވާދަވެރި ސިޔާސީ ޕާޓީ (ޕީޕީއެމް) ގެ މެމްބަރުން ތިބީ ލަދުން ގެއިންވެސް ނިކުންނަން ނުކެރިފައިކަމަށް މަޖިލީހުގެ ދިއްގަރު ދާއިރާގެ މެމްބަރު އިކުރާމް ހަސަން ވިދާޅުވެއްޖެއެވެ.
އިކުރާމް މިފަދައިން ވިދޅުވެފައިވަނީ ވޭވަށުގައި މި ސަރުކާރުން ހިންގަމުންދާ ބައެއް ޕްރޮޖެކްޓުތައް ފެނިގެންދާ ފޮޓޯތައް ހިއްސާކޮށް ކުރެއްވި ޓްވީޓެއްގައެވެ.
އެ ޓްވީޓުގައި އިކުރާމް ވިދާޅުވީ މި ސަރުކާރުން ހިންގަމުންދާ މަޝްރޫއުތަކުގެ ސަބަބުން ގިނަ ބަޔަކު އެމްޑީޕީއަށް ގުޅުމުގެ ޝައުގުވެރިކަންވެސް ފާޅުކުރަމުންދާކަމަށެވެ.
"މި ސަރުކާރުން ވޭވަށުގައި އަޅާފައިވާ ޒަމާނީ ބަނދަރުގެ އިތުރުން ހިންގަމުން ގެންދާ ޕްރޮޖެކްޓުތަކުގެ ސަބަބުން ޕީޕީއެމް/ޕީއެންސީގެ މެމްބަރުން ތިބީ ލަދުން ގެއިން ނިކުންނަން ނުކެރިފަ، އަދި އެމްޑީޕީއާއި ގުޅުމުގެ ޝައުގުވެރިކަން ބޮޑުކޮށް ފާޅުކުރޭ"
ދިއްގަރު ދާއިރާގެ މެމްބަރު އިކުރާމް
އިކްރާމް ވަނީ މި ސަރުކާރުން ވޭވަށުގައި ހިންގަމުންދާ ޕްރޮޖެކްޓުތައް ފާހަގަކުރައްވާ އެކަމަށްޓަކައި ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހުއަށް ޝުކުރު އަދާކުރައްވާފައެވެ.
މި ސަރުކާރުން ދަނީ އާބާދީއަށް ބެއްލެވުމެއް ނެތި ގިނަ މަޝްރޫއުތަކެއް ހިންގަވަމުންކަމަށް އިކުރާމް ވަނީ މީގެ ކުރިންވެސް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
