ތުރުކިޔޭގެ އުތުރުގައިވާ ބަރްޓިން ޕުރޮވިންސުގެ ބޯޓުދެލި މަގާ މައިނެއްގެ ތެރޭގައި ބާރުގަދަ އެއްޗެއް ގޮވި ހާދިސާގައި މަރުވި މީހުންގެ އަދަދު 41އަށް އަރައިފިއެވެ. ބާރުގަދަ ގޮވުމެއް ގޮވާފައި ވަނީ މައިންގެ 300 މީޓަރު އަޑީގައެވެ.
މި ހާދިސާގައި މައިނުގައި ތާށިވި އެންމެން މިހާރު ވަނީ ސަލާމަތްކޮށްފައެވެ. މި ހާދިސާ ހިނގިއިރު، ބިމު އަޑީގައި 110 މީހަކު ދިޔައީ މަސައްކަތް ކުރަމުންނެވެ. ހާދިސާ ހިނގުމާއެކު އެއްބަޔަކު އަމިއްލައަށް ވަނީ އެތަނުން ނުކުމެފައެވެ. އަދި ސަލާމަތްވި މީހުންގެ ތެރެއިން ގިނަ ބަޔަކަށް ސީރިއަސް އަނިޔާތަކެއް ލިބިފައިވާ ކަމަށްވެސް މީހުން ސަލާމަތް ކުރުމުގައި މަސައްކަތްކުރި ޓީމުން ބުނެއެވެ.
ތުރުކިޔޭގެ ރަށެއް ކަމުގައިވާ އަމާސްރާގައި ހިނގި މި ހާދިސާގައި މައިންގައި މަސައްކަތް ކުރަމުންދިޔަ 28 މީހަކަށް އަނިޔާވިއެވެ.
މި ހާދިސާ ތަހުޤީޤު ކުރަމުންދާ އިދާރާއިން މީގެ ކުރިން ބުނީ މައިންގެ ތެރޭގައި ބާރުގަދަ ގޮވުމެއް ގޮވާފައި ވަނީ އެ ތަނުގައި ބޭނުން ކުރަމުން ދިޔަ ޓްރާންސްފޯމަރަކަށް ކުރިމަތިވި މައްސަލައަކާ ގުޅިގެން ކަމުގައެވެ. ނަމަވެސް، އެތަނުގަިއ ގޮވުމެއް ގޮވާފައި ވަނީ ނުރައްކާތެރި ގޭހެއް ކަމުގައިވާ މީތޭން ގޭސް އުފެދުމުގެ ސަބަބުން ކަމުގައި އެއިދާރާއިން ފަހުން ވަނީ ރިޕޯޓުކޮށްފައެވެ.
މި މައިނަކީ ސަރުކާރު ހިއްސާވާ ތުރުކީގެ ހާޑް ކޯލް އެންޓަޕްރައިސަސްގެ މައިނެކެވެ.
Advertisement
This content is created and paid for by advertisers and does not involve Voice Journalists
