ބައެއްފަހަރު ޖެހޭ މީހެއްގެ ގޮތުން ރަނގަޅު މީހުންވެސް ގޯސްވާ ފަހަރު އަންނަކަމަށް ހޯމް މިނިސްޓަރު އަދި ސަރުކާރުގެ ހިއްސާދަރެއްކަމަށްވާ އަދާލަތު ޕާޓީގެ ރައީސް އިމްރާނު ވިދާޅުވެއްޖެއެވެ.
އިމްރާނު މިފަދައިން ވިދާޅުވެފައިވަނީ ވަކި މީހެއްގެ ނަން ހާމަ ނުކުރައްވާ، ނުވަތަ ވަކި މީހަކަށް ނިސްބަތްވެސް ނުކުރައްވާ ކުރެއްވި ޓްވީޓެއްގައެވެ.
އިމްރާނު ވިދާޅުވީ ބައެއް ފަހަރު ނުބައި މީހުންނާއި ޖެހި ރަނގަޅު މީހުން ނުބައި މީހުންނަށް ބަދަލުވާކަމަށެވެ. އަނެއްބައި ފަހަރު ރަނގަޅު މީހުންނާއި ޖެހި ނުބައި މީހުން ރަނގަޅުވެސް ވާކަމަށެވެ. އެހެން ނަމަވެސް އަބަަދަށް އެކު އުޅެވޭނީ ދެމީހުންނަކީވެސް އެއްކަހަލަ މީހުންނަށް ވެގެންކަމަށް އިމްރާނު ވިދާވިއެވެ.
އިމްރާނު މިފަދައިން ވިދާޅުވެފައިވާއިރު، މިއަދު އެމްޑީޕީ ކޯލިޝަންގެ ހިއްސާދާރެއްގެ ގޮތުގައި ހުންނެވި ނަމަވެސް، އިމްރާނަކީ އެ ޕާޓީއާއި އެ ޕާޓީގެ ލީޑަރު ނަޝީދަށް ގިނަ ތުހުމަތުތަކެއް ކުރައްވާފައިވާ ބޭފުޅެކެވެ.
އެގޮތުން ނަޝީދަކީ ލާދީނީ މީހެއްކަމަށާއި، ނަޝީދަށް ވާގިވެރިވުމަކީ މި ގައުމުން އިސްލާމްދީން ނައްތާލުމަށް ވާގިވެރިވުންކަމަށް 2008 ވަނަ އަހރު އުފެދުނު އެމްޑީޕީ ވެރިކަމާއި ދެކޮޅަށް ކުރިއަށް ގެންދިޔަ ސިލްސިލާ މުޒާހަރާތަކުގައި ވާހަކަދައްކަަވަމުން އިމްރާނު ވިދާޅުވެފައިވެއެވެ.
ހަމަ އެ އިހުތިޖާޖުތަކުގައި ވާހަކަދައްކަވަމުން ނަޝީދަކީ އިސްލާމްދީން މި ގައުމުން ފުހެލުމަށް ފޮނުވާފައިވާ ޔަހޫދީ އޭޖެންޓެއްކަމަށް އިމްރާނު ވިދާޅުވެފައިވެއެވެ.
އެހެން ނަމަވެސް، އިމްރާނަކީ އެމްޑީޕީގެ ދެވަނަ ވެރިކަން ގެނައުމަށް އިސްކޮށް މަސައްކަތް ކުރެއްވި ބޭފުޅެކެވެ. އަދި މި ވެރިކަން އުފެދުނު ފަހުންވެސް އިސްލާމްދީނާއި ބީރައްޓެހި ކަންކަން ކުރަމުންދާއިރު އެކަންކަމަށް ސަރުކާރުން އެއްވެސް ފިޔަވަޅެއް އަޅާފައި ނުވި ނަމަވެސް އިމްރާނު އެކަމާއި ދެކޮޅަށް އެއްވެސް އެއްޗެއް ވިދާޅުވުނާކަން ފާހަގަކޮށްލެވެއެވެ.
އަދި ހަމަ އެހެންމެ، މި ވެރިކަމާއި، ރައީސުމްޖުމްހޫރިއްޔާ އިބްރާހިމް މުހައްމަދު ސޯލިހަކީ ރަސޫލާ ޞޢވ ކުރެއްވިފަދަ ވެރިކަމެއް ކުރައްވަމުންދާ ބޭފުޅެއްކަމަށް ސިފަކުރައްވާ އިމްރާނު ގެންދަވަނީ ހުޝާމަދު ކުރައްވަމުންނެވެ.
Advertisement
This content is created and paid for by advertisers and does not involve Voice Journalists
