މޯލްޑިވްސް މީޑިއާ ކައުންސިލް (އެމްއެމްސީ)ން ދޭ ނޫސްވެރިކަމުގެ އިނާމް އަންނަ މަހު ބޭއްވުމަށް މީޑިއާ ކައުންސިލުން ނިންމައިފިއެވެ.

 މީޑީއާ ކައުންސިލުން ވިދާޅުވީ މިއަހަރުގެ ނޫސްވެރިކަމުގެ އިނާމަށް އެދި ހުށައެޅި މީހުންނަށް އިނާމް ދިނުމުގެ ޖަލްސާ އަންނަ މަހުގެ 12 ވާ ހޮނިހިރު ދުވަހު ބޭއްވުމަށް ނިންމާފައިވާކަމަށެވެ.

ނޫސްވެރިކަމުގެ އިނާމަށް މިއަހަރު 12 ދާއިރާއަކުން އެވޯޑު ދިނުމަށް ވަނީ ނިންމާފައެވެ. އޭގެ ތެރޭގައި ތަހުގީގީ ނޫސްވެރިކަން، ދެމެހެއްޓެނިވި ތަރައްގީ އާއި އިޖުތިމާއީ، ސިޔާސީ، ޝަރުއީ އަދި ޤާނޫނީ، ވިޔަފާރިއާއި އިގުތިޞާދު، ކުޅިވަރު، ފޮޓޯ ޖާނަލިޒަމް، ވީޑިއޯ ޖާނަލިޒަމް، ގްރެފިކްސް އާއި އިލެސްޓްރޭޝަންސް، ފީޗާ، އެންމެ އުންމީދީ ނޫސްވެރިޔާ، އަދި އަހަރުގެ އެންމެ މޮޅު ނޫސްވެރިޔާ ހިމެނެއެވެ.

މީޑިއާ ކައުންސިލުން ބުނީ މިއަހަރުގެ ނޫސްވެރިކަމުގެ އިނާމަށް 12 ދާއިރާއަކުން 82 ހުށަހެޅުން ލިބިފައިވާ ކަމަށެވެ.