ރާއްޖޭގައި މަސައްކަތްކުރާ ބިދޭސީންގެ ސިއްހަތާ ގުޅޭ ޕޮލިސީއެއް ހެދުމުގެ މަސައްކަތް ހެލްތު މިނިސްޓްރީން ފަށައިފިއެވެ.
ހެލްތު މިނިސްޓްރީން ބުނީ ދިވެހިންގެ ސިއްހަތާ ގުޅޭ ކަންކަން ރަނގަޅު ކުރަން މަސައްކަތް ކުރާ ގޮތަށް އެކަމުގައި ބިދޭސީން ވެސް ބައިވެރިކުރަންޖެހޭނެ ކަމަށެވެ.
ހެލްތު މިނިސްޓްރީން ބުނީ "މައިގްރޭޝަން ހެލްތު ވޯކާސް" ޕޮލިސީ ހަދަން ނިންމީ ދާދި ފަހުން މުޅި ދުނިޔެއަށް ދިމާވެފައިވާ ކޮވިޑުގެ ހާލަތުގައި ރާއްޖޭގައި ދިރިއުޅޭ ބިދޭސީންގެ ހާލަތަށް ބެލުމަށް ފަހުގައެވެ. އޭރު އެންމެ ގޯސް ހާލަތުގައި ތިބީ ބިދޭސީންކަން މިނިސްޓްރީން ފާހަގަކުރިއެވެ.
މައިގްރޭޝަން ހެލްތު ވޯކާސް ހެދުމަށް ހެލްތު މިނިސްޓްރީން ވަނީ ދާދިފަހުން ސްރީ ލަންކާގެ ކަމާގުޅޭ ފަރާތްތަކާ ބައްދަލުކޮށްފަ އެވެ.
މިހާރު އޮންނަ ޕޮލިސީއަށް ބަލާފަ ރާއްޖޭގައި ދިރިއުޅޭ ބިދޭސީންނަށް މިހާރުވެސް އިންޝުއަރެންސް އޮވެއެވެ. މިނިސްޓްރީން ބުނީ އެ ހުރި ބައިތަކަށް ބަލާފައި ބައެއް ބަދަލުތައް ގެނައުމާއި ވަޒީފާ ދޭ ފަރާތުން ޑިފެންޑު ކުރަން ހުރި ކަންތައްތަކާއި ބިދޭސީންގެ ނަފުސާނީ މައްސަލަތަކަށް އިތުރަށް މަސައްކަތް ކުރެވޭނެ ކަމަށެވެ.
Advertisement
This content is created and paid for by advertisers and does not involve Voice Journalists
